\"Zirə” “Qəbələ”ni məğlub etdi

Bu gün futbol üzrə Azərbaycan Premyer Liqasında növbəti oyun keçirilib.

Sfera.az xəbər verir ki, “Zirə” doğma meydanda “Qəbələ”ni qəbul edib.

Zirə Olimpiya İdman Kompleksinin stadionunda oynanılan görüş meydan sahiblərinin 4:0 hesablı qələbəsi ilə yekunlaşıb.

Matçda qolları Rəhim Sadıxov, Rafael Utziq, Ceyhun Nuriyev və Fuad Bayramov vurublar.

Bu nəticədən sonra xallarını 45-ə çatdıran “Zirə” ikinci pilləyə yüksəlib. “Qəbələ” isə 16 xalla sonuncu - 10-cu yerdə qərarlaşıb.