"Bavariya"nın baş məşqçisi Tomas Tuxel "Mançester Yunayted"də çalışmaqda maraqlıdır. 

Sfera.az bildirir ki, Münxen klubu alman mütəxəssisin cari mövsümün sonunda komandanı tərk edəcəyi ilə bağlı rəsmi açıqlama yayıb.

Qeyd olunur ki, 50 yaşlı məşqçi bu mövsüm başa çatdıqdan sonra karyerasına fasilə vermək istəyir. Tuxel bu qərarı yalnız “Mançester Yunayted”in hazırkı baş məşqçisi Erik ten Haq istefaya göndəriləcəyi təqdirdə dəyişə bilər.

Xatırladaq ki, Tuxel ötən ilin martından “Bavariya”ya rəhbərlik edir. O, 2022/2023 mövsümündə “Bavariya” ilə Bundesliqanın qalibi olub.

Almaniya Bundesliqasının 21 turundan sonra "Bavariya" 50 xal toplayıb və ikinci pillədə qərarlaşıb. Münxen komandası ilə lider "Bayer" arasındakı fərq 8 xaldır.

Fatimə Lətif