Qalas Arşavini tənqid etdi: \"Tənbəl idi...\"

“Çelsi”, “Arsenal” və “Tottenhem”in sabiq müdafiəçisi, Fransa millisinin dünya çempionu Uilyam Qalas hesab edir ki, Andrey Arşavin İngiltərədə öz potensialını tam göstərə bilməyib.

Sfera.az bu barədə “Çempionat”a istinadən xəbər verir.

Futbolçunun sözlərinə görə, Arşavinin çox böyük istedadı olub, amma tənbəlliyi bunu üstələyib:

“İngiltərədə ondan daha çox şey gözlənilirdi. Premyer Liqa fiziki cəhətdən daha tələbkardır. Demək olar ki, üç gündən bir matçlar həyata keçirilir. Andrey isə buna hazır deyildi. İnsanlar "Zenit"dəki Andreyi görmədiklərinə görə əsəbiləşirdilər, amma Premyer Liqa başqadır".

Fatimə Lətif