Yaxın Şərqin 12 ölkəsi Beynəlxalq Futbol Federasiyasına (FİFA) müraciət edərək, İsrailin beynəlxalq turnirlərdə iştirakına qadağa qoymağa çağırıb. 

Sfera.az xəbər verir ki, bu barədə "Sky News" məlumat yayıb.

Qeyd olunur ki, bu ölkələrə Fələstin, Səudiyyə Ərəbistanı, Qətər və Birləşmiş Ərəb Əmirlikləri daxildir. Müraciət məktubu həmçinin bütün 211 milli futbol federasiyasına və altı regional konfederasiyaya, o cümlədən Avropa Futbol Assosiasiyaları İttifaqına (UEFA) göndərilib.

İsrail Futbol Assosiasiyasının baş direktoru Niv Qoldşteyn FİFA-nın siyasətlə futbolu qarışdırmayacağına ümid etdiyini bildirib.

Qeyd edək ki, hazırda İsrail komandaları Fələstindəki hərbi əməliyyatlara baxmayaraq, FİFA və UEFA-nın himayəsi altında keçirilən yarışlarda mübarizəni davam etdirir.

Əzizə