Voleybol məşqçiləri üçün beynəlxalq texniki kursa start verilib

Voleybol məşqçiləri üçün beynəlxalq texniki kursa start verilib

Bakıda voleybol məşqçiləri üçün beynəlxalq texniki kursa start verilib.

 

Sfera.az xəbər verir ki, Beynəlxalq Olimpiya Komitəsinin (BOK) Olimpiya Həmrəyliyi Fondu və Beynəlxalq Voleybol Federasiyasının (FIVB) dəstəyi, Milli Olimpiya Komitəsi (MOK) və Azərbaycan Voleybol Federasiyasının (AVF) birgə təşkilatçılığı ilə baş tutan Level-3 kursu ölkəmizdə bütün idman növləri arasında ilk dəfə keçirilir.

 

Açılış mərasimində AVF-nin vitse-prezidenti Faiq Qarayev, MOK-un Beynəlxalq proqramlar idarəsinin əməkdaşı Ceyhun Rəhmanov, AVF-nin Beynəlxalq əməkdaşlıq üzrə meneceri Nərgiz İsmayılova, FIVB-nin almaniyalı məşqçi-instruktoru Peter Nonnenbroix və rumıniyalı Dan Girleanu iştirak ediblər.

 

Tədbirdə çıxış edən Faiq Qarayev FIVB-nin təşkil etdiyi layihənin böyük əhəmiyyətə malik olduğunu bildirib. O, bu kursların yerli məşqçilərin yetişməsinə və beynəlxalq səviyyəyə yüksəlməsinə mühüm töhfə verəcəyini vurğulayıb.

 

Ceyhun Rəhmanov ölkəmizdə müxtəlif idman növləri üzrə mütəmadi olaraq beynəlxalq kursların təşkil olunduğunu bildirib. O, əlavə edib ki, MOK idmanın, eləcə də voleybolun inkişafına xidmət edən beynəlxalq kursların təşkilini davam etdirəcək.

 

Kursun təlimçiləri Peter Nonnenbroix və Dan Girleanu çıxışlarında Azərbaycanın idman ölkəsi olduğunu və burada bütün idman növlərinin inkişafına böyük diqqət yetirildiyini vurğulayıblar.

 

Ümumilikdə 14 nəfərin iştirak etdiyi seminara yerli məşqçilərlə yanaşı, İran və Malayziyadan gələn mütəxəssislər qatılıblar. Kursun rəhbəri almaniyalı Peter Nonnenbroix, ikinci təlimçi isə ölkəmizdə bundan əvvəl də qonaq olmuş (2019-cu ildə FIVB Level-2 kursuna rəhbəri etmiş) rumıniyalı Dan Girleanudur. Seminar nəzəriyyə və təcrübədən ibarət olacaq.

 

Qeyd edək ki, kurs noyabrın 22-dək davam edəcək. Həmin gün imtahan təşkil olunacaq. İmtahanın nəticələrinə uyğun olaraq bu mərhələni uğurla keçəcək mütəxəssislərin adları bəlli olacaq və onlar FIVB-nin ən yüksək sertifikatını alacaqlar.


OXŞAR XƏBƏRLƏR

Sabahın hava PROQNOZU

İyunun 14-nə gözlənilən hava proqnozu açıqlanıb.   Milli Hidrometeorologiya Xidmətindən Sfera.az-a verilən xəbərə görə, Bakıda və Abşeron yarımadasın...

"Bayden hakimiyyətdə qala bilmək üçün Avropada daha çox..." - Zaxarova

Rusiya xarici işlər nazirliyinin sözçüsü Mariya Zaxarova NATO-nun Baş katibi Yens Stoltenberqin Kiyevə silah tədarükünün alyansa üzv ölkələr üçün məcburi o...

Məşhur aktrisa faciəvi şəkildə ÖLDÜ - FOTO

Türkiyənin məşhur aktrisası və prodüser Demet Ersoy Bodrumda qaldığı hotelin 7-ci mərtəbəsindən yıxılıb.   Sfera.az xəbər verir ki, bu barədə D...

Nikol Paşinyan: "Lukaşenko prezident olduğu müddətdə heç vaxt Belarusa səfər etməyəcəyəm"

Bundan sonra Ermənistanın heç bir rəsmi nümayəndəsi Belarusa səfər etməyəcək.   Sfera.az Ermənistan KİV-ə istinadən xəbər verir ki, bunu baş nazir Ni...

ABŞ-nin dövlət büdcəsinin kəsiri KƏSKİN ARTDI – RƏQƏMLƏR

  Dünyada ən böyük dövlət büdcəsinə sahib olan ABŞ-də büdcə kəsiri rekord həddə yüksəlib.   Sfera.az xəbər verir ki, ABŞ-də federal büdcə kə...

Mövqelərimiz bu istiqamətdə ATƏŞƏ TUTULDU - MN-dən TƏCİLİ MƏLUMAT

İyunun 12-si saat 10:05-dən 17:50-dək Ermənistan silahlı qüvvələrinin bölmələri Azərbaycan Ordusunun Naxçıvan Muxtar Respublikasının Şərur rayonunun Havuş, Ordu...