“Hər şeyi al, yoxsula payla...” – İlqar Məmmədov populistlərin gündəmini məhv etməyə çağırdı
15:18 / 07.04.2021
2308
"Populistlərin gündəmini indi məhv etməsək,
seçkidə onların öhdəsindən gəlmək daha da çətin olacaq”.
Sfera.az xəbər verir ki, bunu REAL
partiyasının sədri İlqar Məmmədov deyib. O bildirib ki, xalqı aldadan, yerinə yetirilməsi mümkün
olmayan, ya da uzunmüddətli inkişafa zərərli sosial şüarlar indidən ifşa edilməli,
bu şüarların seçki şansları indidən heçə endirilməlidir:
"Məsələn, populistlər bir çox azərbaycanlının
şüuruna yeridiblər ki, ali və orta məmurların və onların yaxın-uzaq qohum-əqrabasının
birbaşa ya da dolayısı ilə korrupsiyadan əldə etdikləri var-dövlət müsadirə
olunarsa və yoxsullara birbaşa yardıma sərf edilərsə, xalq yaxşı yaşayacaq. Bu
böyüklükdə yalanı tarixdə ancaq kommunistlər xalqa danışmışdı, sonra isə elə həmin
xalqı güllələmiş, ya da acından öldürmüşdülər.
Sovetin dağılmasından sonra kapitalın
ayrı-ayrı ictimai nöqtələrdə cəmləşməsinə "tarix=xalq” şərait yaradıb. Bu cəmləşmə
bütün ölkələrdə baş vermiş bir hadisədir. Amma onu milli inkişaf məqsədləri
üçün istafədə etməyi bacarmış və bacarmamış xalqlar var. Populistlər deyir ki,
rüşvətxor məmurdan və onun biznesdəki ortağından hər şeyi al, yoxsula payla.
Bu, gediləsi yol idisə, kommunistlər tarixdə özlərini doğrultmuş olardı”.
Partiya sədrinin sözlərinə görə, kapitalın cəmləşməsi
faktını milli inkişafın xidmətinə qoymalıyıq: "Qismən maliyyə amnistiyası, qismən müsadirə, əsasən
isə bu cəmləşmiş var-dövlət iş yerləri,
elm və mədəniyyətə təkan verəcək sərmayələrə çevrilməlidir. Bəzən lap elə dövlətin
yumşaq məcburlama alətlərindən istifadə etməklə. Amma bütün bunlar qanunun
aliliyi və sərmayə üçün digər cazibəli xüsusiyyətləri olan iqlimdə edilməlidir.
Günay