No Image
No Image

"Hədəflər əvvəlkindən tamamilə fərqlidir" - Türkiyənin Azərbaycana təyin etdiyi yeni səfirə hansı tapşırıqlar verilib?

Türkiyənin Azərbaycana yeni təyin olunmuş səfiri Cahid Bağcı artıq Bakıya gələrək, fəaliyyətə başlayıb.
 
Görəsən, qardaş ölkənin yeni səfirindən nə kimi gözləntilər var?

Bu barədə Sfera.az-a danışan politoloq Natiq Mirinin fikrincə, yeni səfirin boynuna yaranmış yeni situasiyada böyük yük və ciddi fəaliyyət düşür:

"Türkiyənin Azərbaycana təyin etdiyi səfir Cahid Bağcı tamamilə yeni situasiyada ölkəmizə gəlib. Ona görə düşünürəm ki, hədəflər əvvəlkindən tamamilə fərqlidir. Bu gün Türkiyə Cənubi Qafqazda və bölgənin ən güclü dövləti olan Azərbaycanda öz varlığını ciddi mənada genişləndirir. Həmin prosesin getdikcə güclənəcəyi də gözləniləndir. Yeni səfirin gəlişilə bütün sferalarda Bakı ilə Ankara arasında əlaqələr daha yüksək dərəcədə inkişaf edəcək”.  

Həmsöhbətimizin qənaətincə, bu ana qədər Azərbaycanda fəaliyyət göstərən Türkiyə səfirlərinin heç birinin fəaliyyəti təqdir olunmayıb: 

"Əslində bu vaxta qədər Azərbaycanda fəaliyyət göstərən Türkiyə dövlətinin səfirləri Ankaradan gələn nazirlərin sadəcə diplomat və çamodanlarını daşımaq üçün idilər. Ona görə də onların heç birinin fəaliyyəti təqdir olunmayıb. Türkiyənin özünün konkret siyasi prioritetləri var”. 

Bu səbəbdən N.Miri düşünür ki, Türkiyə kimi qardaş ölkənin səfiri daha çox təşəbbüskar olmalı və cərəyan edən bütün proseslərə, hadisələrə, xüsusən də hərbi-siyasi hadisələrə adekvat reaksiya verməyi bacarmalıdır:  

"Fikrimcə, hazırkı səfir yeni təlimatlarla Azərbaycana gəlib. Çünki indiki situasiyada tamamilə yeni fikir və təşəbbüslər mütləq mənada ortada olmalıdır. Yəqin ki, səfir bu yöndə AKP hakimiyyəti tərəfindən artıq məlumatlandırılıb”.

Elçin  
Sfera.az
Sehliyali

Turan Bank

OXŞAR XƏBƏRLƏR

Baydendən növbəti ermənipərəst addım - Azərbaycan necə reaksiya verəcək?

Xəbər verdiyimiz kimi Amanta Pauer ABŞ Beynəlxalq İnkişaf Agentliyinə (USAID) rəhbər gətirilib.   Ermənipərəst mövqeyi ilə diqqət çəkən siyasətçinin bu v...

Azərbaycanda nazirliklərin və komitələrin sayı azaldıla bilər - "Baş nazir müavinləri postu da ləğv olunsun"

"Hazırda Azərbaycanda 17 nazirlik, 7 Dövlət Komitəsi və 7 Agentlik fəaliyyət göstərir. Mən təklif edirəm ki, Nazirliklərin sayı 11-ə, Komitələrin sayı isə 3-ə e...

Prezidentdən yeni TƏYİNAT: Səhiyyə naziri vəzifəsinin icrası ona tapşırıldı

Teymur Yusif oğlu Musayev Azərbaycan Respublikası səhiyyə nazirinin birinci müavini təyin edilib.   Sfera.az-ın xəbərinə görə, bununla bağlı Prezident İl...

"Hədəflər əvvəlkindən tamamilə fərqlidir" - Türkiyənin Azərbaycana təyin etdiyi yeni səfirə hansı tapşırıqlar verilib?

Türkiyənin Azərbaycana yeni təyin olunmuş səfiri Cahid Bağcı artıq Bakıya gələrək, fəaliyyətə başlayıb.   Görəsən, qardaş ölkənin yeni səfirindən nə kimi...

Paşinyan: “Onlar Zəngəzur dəhlizi deyir, bizim də Naxçıvan dəhlizimiz olacaq”

Ermənistanın baş naziri Nikol Paşinyan ötən həftəsonu Vayotszor vilayətinə səfəri zamanı regionda nəqliyyat yollarının açılması məsələsinə də toxunub.  ...

120 min azərbaycanlı Rusiyadan qayıtsa... - "İşsizlər ordusu"nun yaranmaması üçün hansı addımlar atılacaq?

Xəbər verdiyimiz kimi Rusiya iyunun 15-dək qeyri-leqal miqrantları ölkəsindən çıxaracaq. Həmin statusda olan 120 minə yaxın azərbaycanlının geri dönüşü gündəmdə...