“Hazırkı dərsliklərlə yola çıxsaq, yolda qalacağıq” – Ekspert dəyişən təhsil şərtlərindən danışdı
10:25 / 08.04.2021
2069
"Koronavirus pandemiyası dünyada milyonlarla
insanın təhsil almaq formasını dəyişdirib. Bundan sonra təhsil üçün yeni alətlər
çox ehtiyac duyulan yenilikləri gətirə bilər”.
Sfera.az xəbər verir ki, bunu təhsil eksperti
Kamran Əsədov deyib. O bildirib ki, rəqəmsal uçurumu nəzərə alsaq, təhsil
yanaşmalarındakı yeni dəyişikliklər bərabərlik boşluqlarını genişləndirə bilər:
"COVID-19-un təhsildə yaratdığı dəyişikliklər
elə indidən bizə təhsilin uzunmüddətli perspektivdə daha yaxşıya və pisə doğru
necə dəyişə biləcəyinə dair bir işıq ucu verir. Yəni, prosesin arxasınca gedənlər
boşluqlarını 10 illərlə doldura bilməyəcək. Amma prosesə yön verənlər, daha
böyük uğurlar qazanacaq. Biz hələ ki, birincilərdənik, yəni prosesin arxasınca
gedirik”.
Ekspert gələcək dəyişikliklərə təsir edə biləcək
üç istiqamətdən də söz açıb: "Birincisi, təhsil dəyişməyə məcbur edilib.
Ona görə də dövlət bütün resurslarını səfərbər edərək hamını alətlərlə təmin
etməlidir - Müəllimlərin vaksinasiya prosesini başa çatdırıb əlavə müəllim və əlavə
əmək haqqı ilə keçirilməyən və zəif keçirilən dərsləri təkrar keçmək. Dövlət və özəl təhsilin tərəfdaşlığı vəziyyətdən
çıxış üçün vacibdir. Yəni, repititorlar, hazırlıq kursları, özəl liseyləri
prosesə cəlb etməklə onların resursları, çevikliyi ilə tədrisdə yaranmış
çatışmazlığı aradan qaldırmaq mümkündür. Rəqəmsal boşluqlar şagirdlər arasında
fərqi genişlənə bilər. Bunun aradan qaldırılması üçün alternativ dərsliklər
yaradılmalıdır”.
Günay Rəsulqızı
