Tornado bu şəhərdə 4 nəfərin həyatına son qoydu
ABŞ-nin Texas ştatında tornado nəticəsində 4 nəfər ölüb, 800 mindən çox ev işıqsız qalıb.
Sfera.az bildirir ki, Hyuston şəhərində evlərin və binaların şüşələri sınıb, gecə klubu qismən dağılıb, otelin damı uçub.
Qeyd olunub ki, qasırğa şəhəri “müharibə zonasına” çevirib. Hyuston meri Con Uitmir şəhər mərkəzinin və ticarət rayonlarının əksəriyyətinin sökülən elektrik xətləri və şüşə qırıqları ilə dolu olduğunu, hər yerdə küçə işıqlarının söndüyünü bildirib.
"Hazırda 800 mindən çox ev elektriksiz qalıb”, - o əlavə edib. Hyuston yanğınsöndürmə rəisi Samuel Pena deyib ki, kranın və ağacın aşması nəticəsində 4 nəfər ölüb.
Bu gün dövlət məktəblərində tədris dayandırılıb, Milli Hava Xidməti isə şəhərdə güclü yağışlar səbəbindən daşqınla bağlı xəbərdarlıq edib.
Türkan
