No Image
No Image

Göyçay: “Yeraltı hamam”ın sirri

Göyçay: “Yeraltı hamam”ın sirri

Göyçay, 15 fevral, Şahnəzər Bəşirov, AZƏRTAC

Göyçay şəhərində 130 il əvvəl tikilmiş "Yeraltı hamam” Azərbaycanın nadir memarlıq abidələrindən biridir.

Rayon təhsil şöbəsinin məsul işçisi, tarixçi Əkbər Əlioğlu AZƏRTAC-a bildirib ki, o vaxt Göyçayın imkanlı şəxslərindən olan Həzrət bəy Ağazadə bu hamamı qızına cehiz olaraq tikdirib. Deyilənə görə, Həzrət bəyin Göyçay və Ucarda pambıq zavodları, çörək, kitab və ərzaq mağazaları vardı.

Uzun illər insanlara xidmət göstərən bu nadir tikilinin bir sirri indiyədək açılmayıb. Hamamın çirkab suları hara və necə axıdılırmış? Aparılan araşdırmalara baxmayaraq, bu sual hələ də cavabsız qalır.. "Yeraltı hamam” adı ona əsas hissəsi torpağın səthindən 2 metr dərinlikdə yerləşdiyi üçün verilib. Kvadrat formasında olan tikilinin ovalşəkilli üç böyük salonu var. Onlardan ikisi qadınlar, biri isə kişilər üçün idi. Hamamdan eyni vaxtda 70 nəfər istifadə edə bilirdi.

Müsahibimizin sözlərinə görə, hamamın özəlliklərindən biri də onun qış vaxtı qızdırılması ilə bağlıdır. Belə ki, araşdırmalar zamanı içəridə heç bir xüsusi qızdırıcı şəbəkə aşkarlanmayıb. Məlum olub ki, ocaqxanada qızdırılan isti su bişmiş kərpicdən tikilmiş döşəmənin altındakı borularla dövr edərək hər üç salonu qızdırırmış.

Ötən əsrin 30-40-cı illərində "Yeraltı hamam”ı həbsxanaya çeviriblər. İkinci dünya müharibəsindən sonra isə ondan bir müddət pendir sexi kimi istifadə olunub. 1958-ci ildə bina təmir edilərək yenidən ilkin funksiyasına qaytarılıb.

Zaman öz işini görüb. Hazırda damında və divarlarında böyük çatlar əmələ gələn abidənin uçmaq təhlükəsi yaranıb. Salonlar bərbad hala düşüb. Əkbər müəllim deyir ki, Azərbaycanda bənzəri olmayan, Şərq memarlığı üslubunda inşa edilən bu unikal abidənin bərpaya ciddi ehtiyacı var.

Rayon mədəniyyət və turizm şöbəsindən verilən məlumata görə, Mədəniyyət və Turizm Nazirliyinin nümayəndələri Göyçaya gələrək bu tarixi abidənin vəziyyəti ilə tanış olub və burada təmir-bərpa işləri aparılacağı bildirilib. O vaxtdan üç il keçsə də, bu işə başlanılmayıb.

Xatırladaq ki, ölkə əhəmiyyətli tarixi abidə olan "Yeraltı hamam” kompleksi dövlət tərəfindən qorunur.






Sehliyali
Turan Bank

OXŞAR XƏBƏRLƏR

Koronavirusun sona çatması üçün heykələ maska taxdılar - FOTO

Yaponiyanın Fukuşima şəhərindəki nəhəng buddist heykəlinin ağız nahiyəsinə 35 kiloqram ağırlığında maska taxılıb.   Sfera.az xəbər verir ki, bu addım kor...

Azərbaycanda tapılan qeyri-adi məxluq dünyanı şoka saldı

Azərbaycanda tapılan qeyri-adı canlı sosial şəbəkələrdə müzakirələrə səbəb olub. Sfera.az oxu.az-a istinadən bildirir ki, bu barədə  İspaniyanın "La ...

Öldü, amma PROQNOZLARI Bir Bir Çıxır, Dünya qorxu içində!

Vanqanın bu illə bağlı dedikləri çoxlarını heyrətə gətirib.   Deyibmiş ki, beş iki bir yerdə olanda yer kürəsində bütün insanlığı əhatə edən hadisə baş ...

Metroda nikaha icazə verildi - Gecə saatlarında...

Rusiyanın paytaxtı Moskvada bələdiyyə sədrininin müavini Anastasiya Rakova metroda nikaha girməyin mümkün olduğunu açıqlayıb.    Sfera.az xəbər veri...

DÜNYANIN ƏN SİRLİ YERİ - Bu şəhərdə tualetə getmək qadağandır - FOTO/VİDEO

Əhalisinin əksriyyətini tibetli ruhanilər təşkil edən Sertar şəhəri dünyanın ən maraqlı yerlərindən biridir. Çinin şərqində yerləşən bu şəhər qadağaları ilə diq...

Emmanuel Makronu sillələdilər - VİDEO

Fransa prezidenti Emmanuel Makronun Drom rayonuna səfəri zamanı insident baş verib. Sfera.az xəbər verir ki, dövlət başçısı meydanda onu gözləyə...