Gürcüstanla sərhəddə nə baş verir? - BÖYÜK PROVAKASİYA

Gürcüstanla sərhəddə nə baş verir? - BÖYÜK PROVAKASİYA
Dünən Azərbaycanla sərhəddə yerləşən Keçikçi Dağı Məbəd-Kompleksində yenidən vəziyyət gərginləşib. Belə ki, Udabno kəndinin sakinləri əraziyə axışıb və Azərbaycan sərhədçilərinə təzyiq göstərməyə çalışıblar. Bu gün isə Gürcüstanın Daxili İşlər Nazirliyi vətəndaşlarını delimitasiyası üzrə komissiyanın işinə mane olmamağa çağırıb.

Sfera.az xəbər verir ki, politoloq Qabil Hüseynli baş verənləri "Yeni Sabah"a şərh edərkən bunun bir provokasiya olduğunu deyib:

"Bir provokatorun guya Azərbaycan sərhədçilərinin həmin Keçikçi Dağdakı bəzi ikonaların çıxarıb aparması ilə bağlı yaydığı şayiənin nəticəsidir. Guya həmin məbəddə olan bütün qiymətli şeylərə Azərbaycan tərəfindən qəsd edilir və daşınır. Bu mümkün deyil axı. 2-3 saata bir neçə əsgər o qədər şeyi daşıyıb apara bilməz, heç aparmaz da. Bu şayiənin əsassız olduğu Gürcüstan höküməti tərəfindən də müəyyən edilib. Bilinib ki, bu provokator özü bələdçi işləyirmiş. Onun oğurlanıb dediyi ikonalar yerindəcə tapılıb. Bələdçi isəTbilisyə aparılıb”.

Ekspert həmin şəxsin Rusiyanın agenti ola biləcəyini düşünür:

"Həmin şəxs başqa bir dövlətə, Rusiyaya da xidmət edə bilər. Nəticədə ortada ciddi bir insident yaradan hadisə olmadığı halda, bu məsələ genişlənib. Gürcüstan höküməti də öz əhalisinə müraciət edib ki, hər şey qaydasındadır və nahaq yerə dedi-qodu, şayiə yaymayın və delimitasiya işləri ilə məşğul olan komissiyanın işlərinə mane olmayın. Xüsusən də həmin məbədin olduğu yerlərə axın etməməyi məsləhət görüb ki, komissiya öz işini görsün”.

Politoloq həmçinin tarixi faktları da qeyd edib:

"Keçikçi Dağ Azərbaycan ərazisinə düşən bir bölgədir. Çünki Sovet dövründə ora ancaq Azərbaycanın tabeçiliyində olub. Ora Ceyrançölün bir qismidir - Ceyrançöl, Ağstafa və Samux rayonları ərazisində böyük bir düzənlik və otlaq sahəsidir. Bir sıra bölgələrdən gələn kolxozlar gətirib qoyunlarını həmin yerlərdə yataq tikib saxlayırdılar. Keçikçi Dağ silsiləsində tikilmə yolu ilə yox, oyulma yolu ilə yaradılan otaqlar var idi ki, onlarda yalnız Azərbaycan çobanları yaşayırdı. Azərbaycan tarixçiləri də bu saat israrla sübut edirlər ki, müstəqillik illərində məbəddə müəyyən dəyişikliklər aparılıb. Həmin məbəd əslində albanlar tərəfindən inşa edilib. Sovet dövründə də 1967-ci ildə aero çəkiliş zamanı təsdiq edilmiş sərhədin inzibati bölgüsünə uyğun olaraq bura Azərbaycan ərazisi kimi əvvəldən tanınıb və SSRİ Nazirlər Soveti tərəfindən təsdiq edilib. İndi həmin əraziyə iddia edilməsi qəribədir”.

Politoloq məsələnin Saakaşvili dövründə də gündəmə gətirildiyini xatırladıb:

"Üstəlik Saakaşvili dövründə də bu məsələ qaldırılmışdı. O deyirdi ki, bu məbədin tutduğu ərazinin 10 misli qədər ərazini başqa yerdə sizə verək, siz isə bu ərazini bizə verin. O zaman danışıqların kompromis variantı belə idi. İndi gürcülər bizdən nə tələb edir, nə istəyir onu bilmirəm. Amma hər halda bu məsələni Azərbaycan və Gürcüstan tərəfi həll etməyə çalışacaq və məncə, həll edəcək”.

Qabil Hüseynli bu cür insidentlərin yaşanmaması üçün Azərbyacanın bölgədə nəzarəti gücləndirməsini vacib hesab edib:

"Çünki məbədin içərisinə gürcü keşişləri nəzarət etsə də, məbədə giriş və çıxışa Azərbaycan sərhədçiləri nəzarət edir. Azərbaycan sərhədçiləri ayıq-sayıq olmalı və onlarla yanaşı polis qüvvələrinin, Dövlət Təhlükəsizlik Xidmətinin əlavə qüvvələrinin əraziyə yerləşdirilməsinə ehtiyac var”. 

OXŞAR XƏBƏRLƏR

“Ala bunun 1000 manatını qoy cibinə” - Həbs olunan icra başçısının müavini ilə şok söhbəti

Ağstafa rayon İcra hakimiyyətinin başçısı Nizaməddin Quliyev və müavinləri Ramiz Tatarovla, Lalə Eyyubovanın, həmçinin Yevlaxın keçmiş icra başçısı Qoca Səmədov...

Azərbaycanlı jurnalistlər Ermənistanda və 27 il sonra Şuşada olublar - ADLAR

ATƏT-in fəaliyyətdə olan sədrinin şəxsi nümayəndəsinin ofisinin təşkilati dəstəyi ilə Azərbaycan və Ermənistan tərəfindən bu ilin 17-21 noyabr tarixlərində iki ...

19 yaşlı gənc necə milyonçu oldu? – Əbülfəz Məlikovun oğlu ilə bağlı ilginc təfərrüat

  "Gömrük brokeri kimi məşhurlaşmış Əbülfəz Məlikovun 1990-cı il təvəllüdlü oğlu Murad Məlikov 19 yaşından şirkət sahibidir. "AMAR-ŞİRVAN" MMC vasitəsil...

Azərbaycanda deputatın gizli videosu yayıldı: "Gəlib, pulu götürüb, gedəcəksiniz..." - Video

  Millət vəkili Rafael Cəbrayılovun borc qalmaqalı ilə bağlı Yenisabah.az-a video və audio materiallar daxil olub.   Məlumat üçün deyək ki, Rafae...

“Ən baha qiymətə gedən mandatıdır, onu da girov qoyub də...” – Partiya sədrindən Rafael Cəbrayılova replika

"Deputatların mandatlarından dəyərli nəyi var ki, borc götürəndə də onu girov qoysunlar ? Rafael Cəbrayılov nə etməlidir ? Ən baha qiymətə gedən mandatıd...

Prezidentin köməkçisi Nuru Paşa və Bakının xilasından yazdı: "Müzəffər komandan..."

Azərbaycan prezidentinin ictimai-siyasi məsələlər üzrə köməkçisi Əli Həsənov 1918-ci il sentyabrın 15-də Qafqaz İslam Ordusunun Bakının işğaldan azad edilməsind...