Qızılca ilə bağlı VACİB AÇIQLAMA - Yetkin insanlar da…

Qızılca ilə bağlı VACİB AÇIQLAMA - Yetkin insanlar da…

Hazırda Azərbaycanda və digər ölkələrdə sürətlə yayılan qızılca xəstəliyi ilə əlaqədar az qala həyəcan təbili çalınmaqdadır.

 

Adətən, uşaqların yoluxduğu bu virus artıq böyüklər arasında da müşahidə edilməyə başlayıb. Elə bu səbəbdən, qızılca xəstəliyinə qarşı peyvəndləmə də aktuallaşıb və özü ilə bərabər bir çox sualların yaranmasına gətirib çıxarıb.

 

Sfera.az bildirir ki, qQızılca peyvəndi və onun vurulma qaydaları haqqında Oxu.Az-a danışan Səhiyyə Nazirliyinin mütəxəssis-eksperti, infeksionist Vasif Əliyevin sözlərinə görə, bu peyvənd iki dozada nəzərdə tutulub:

 

“Qızılca ilə bağlı peyvəndin birinci dozası uşağın 12 aylığında, ikinci dozası isə altı yaşında vurulmalıdır. Bu, peyvənd protokoluna uyğun belədir.

 

Əgər böyük insanlar qızılca peyvəndini vurdurursa, ilk doza ilə ikinci dozanın arasında 28 gün fərq olmalıdır. Epidemioloji vəziyyət olduğu zaman xüsusi riskli şəxslərə bu peyvəndlərin vurulması daha da aktual sayılır.

 

Hazırda poliklinikalarda müvafiq peyvəndlər var və bununla əlaqədar müraciətlər çox olsa belə, problem yaşanacağını hesab etmirəm.

 

Amma özəl səhiyyə müəssisələrində də bu tibbi xidməti almaq istəyən olarsa, müraciət etdikdə, ödənişli şəkildə qızılca peyvəndi oluna bilərlər”.

 

Həkim-infeksionist vurğulayıb ki, hazırda qızılcaya qarşı vurulan peyvəndlərin 95-96 faiz qoruyuculuğu mövcuddur:

 

“İki doza peyvənd vurulan şəxslərdə virusa qarşı anticisimlərin yaranması 96 faizdir. Bu peyvəndləri vurdurmuş şəxslər artıq yoluxmuş sayılır. Bir dəfə qızılca keçirən şəxs ikinci dəfə bu virusa yoluxmur.

 

Mövcud durum epidemioloji vəziyyətdir. Qızılca virusu sürətlə yayılan xəstəlikdir. Ən yaxşı qorunma vasitəsi isə peyvənddir.

 

İnsanlar nə qədər xəstə insanla təmasdan qaçsalar belə, yoluxa bilərlər. Qızdırma olub, səpkilər müşahidə edilmədiyi dönəmdə belə qızılcaya yoluxma mümkündür.

 

Uşaq yaşlarında peyvənd olunub-olunmadığını bilməyən, xatırlamayan şəxslər bunu test vasitəsilə yoxlaya bilərlər. Qan analizində anticisimin miqdarına baxılır, əgər bu varsa, deməli həmin şəxs qızılcanı ya keçirib, ya da peyvənd olunub.

 

Bunu yoxlamaq imkanı olmayan şəxslər yenə də peyvənd oluna bilərlər. Artıq dozanın qəbulu əks göstəriş deyil. Qeyd etdiyimiz kimi, dozaların qəbulu arasındakı vaxt 28 gündən çox olmalıdır”.


OXŞAR XƏBƏRLƏR

Qışqıran mumiya - Misir tarixindəki ən böyük anomaliyalardan biri

Qədim Misir dəfn yerləri haqqında düşünəndə ağlımıza əzəmət və dəbdəbə gəlir: fironlar və zadəganların mumiyalanmış qalıqları ilə bəzədilmiş sarkofaqlar. Bununl...

Qoruqdan qaçan 200 keçi şəhəri iflic edib - VİDEO

Amerikanın Arlinqton şəhərində (Texas) qeyri-adi hadisə baş verib. 200-ə yaxın keçi Kristal Kanyon Təbiət Qoruğundakı mühafizədən qaçaraq kəndin küçələri ilə gə...

İsrail müvəqqəti atəşkəslə razılaşdı

İsrail Qəzza zolağında atəşkəs və girovların azad edilməsi ilə bağlı razılaşmanı qəbul edib.   Sfera.az xəbər verir ki, bu barədə AP məlumat yayıb. ...

Hacıqabul gölü ilə bağlı MÜHÜM AÇIQLAMA

“Hacıqabul gölünün bərpası ilə bağlı təkliflər hökumətə təqdim edilib”.   Bunu Milli Məclisin Təbii ehtiyatlar, energetika və ekologiya k...

“Eurovision”da siyasət izi - İslandiya Fələstinli ilə təmsil oluna bilər

Fələstinli pop müğənni Bəşər Murad may ayında keçiriləcək “Eurovision” Mahnı Müsabiqəsində İslandiyanı təmsil edə bilər. Sfera.az bildirir ki, ...

BMW ilə avtoxuliqanlıq edən şəxs “Nikosayağı”nın qohumu imiş - VİDEO

Gəncə şəhərində BMW markalı avtomobillə avtoxuliqanlıq edən sürücü sosial şəbəkələrdə “Nikosayağı” adı ilə tanınan bloger Nicat Şakirlinin qohumu im...