Sfera.az bildirir ki, bunu jurnalist Məhəmmədəli Qəribli Xaçmaz rayonunda deputat Eldəniz Səlimovun polisi döyərək xəsarət yetirməsindən danışarkən deyib. Jurnalist deputatların kimlərlə həmkarlıq etdiyinə diqqət çəkib:

"Eldəniz Səlimovun Xaçmazda "Starıy dvor” restoranında polisi döyməsi barədə məlumat yayılıb. Hadisə bir neçə polis əməkdaşının deputatın əyləşdiyi restoranda reyd keçirdiyi zaman baş verib. DİN əməkdaşları gecə saat 00:00-ı keçdiyi üçün restoranın fəaliyyətinin dayandırılmasını tələb edib. Həmin vaxt orda yeyib-içən millət vəkili isə onlardan restoranı tərk etməyi tələb edib. Bu vaxt mübahisə yaranıb və o, polis əməkdaşı Zaur Mirzəyevə hücum edərək, onu döyüb. Bildirilir ki, həmin restoran deputatın qohumunundur.

İndi görün, siz kimlərlə, hansı əxlaqın sahibləri ilə parlament kreslolarını bölüşüb, həmkarlıq edirsiniz? Bundan əvvəl deputat Ramil Həsənin etdiyi nalayiq hərəkətə etiraz edən deputat gördünüzmü?”.

M.Qəribli bildirib ki, son parlamentə təyin edilənlər arasında Eldəniz, Ramil  əxlaqında olan deputatlar az deyil: "Heyif o statusa ki, belələri daşıyır…”.