Gəncədə küçədə tapılan körpəylə bağlı YENİ XƏBƏR VAR - FOTO
19:05 / 31.08.2021
4077
10:14
Gəncədə küçədə körpə qız uşağı tapılıb.
Sfera.az-ın məlumatına görə, uşaq vətəndaşlar tərəfindən Gəncə şəhər A.Ziyatxanov küçəsində yerləşən 18 nömrəli məktəbin yaxınlığında, çantanın içərisində tapılıb.
Əraziyə polis çağrılıb və polislərin iştirakı ilə qız uşağı Gəncə şəhər 2 saylı Uşaq Xəstəxanasına aparılıb.
Körpə həkim nəzarətindən keçib və onun vəziyyəti normal qiymətləndirilir.
Faktla bağlı araşdırmalara başlanılıb.
***
Xəbər verildiyi kimi avqust ayının 30-u gecə saatlarında bir nəfər şəxs Gəncə şəhərində xidmət aparan Gəncə şəhər Baş Polis İdarəsinin əməkdaşına yaxınlaşaraq şəhər ərazisində kimsəsiz, 5-6 aylıq qız uşağı tapdığını bildirib.
Daxili İşlər Nazirliyinin Mətbuat Xidmətinin Gəncə regional qrupundan Sfera.az-a verilən məlumata görə, polis əməkdaşı dərhal körpənin qayğısına qalaraq onu 2 saylı Uşaq Xəstəxanasına yerləşdirib və orada həkimlər körpəni müayinə ediblər.
Gəncə şəhər Baş Polis İdarəsinin Nizami rayon polis İdarəsinin əməkdaşlarının keçirdikləri müvafiq tədbirlər nəticəsində məlum olub ki, uşağı polisə təhvil verən Şəmkir rayon sakini Tural Tağıyev əvvəlcədən körpənin anası-Zaqatala rayon sakini Esmira Məmmədova ilə birlikdə uşağı qərarlaşdırdıqları üzrə polisə verib.
Hazırda Gəncə şəhər Baş Polis İdarəsinin İstintaq və Təhqiqat İdarəsində həmin şəxslər barəsində araşdırmalar davam etdirilir
Turan
Sfera.az