Gələn ilin maaş və pensiyaları ilə bağlı rəsmi açıqlama

Gələn ilin maaş və pensiyaları ilə bağlı rəsmi açıqlama
 
Maliyyə Nazirliyi tərəfindən "Azərbaycan Respublikasının 2020-ci ilin dövlət və icmal büdcələrinin ilkin göstəricilərinə dair açıqlama” hazırlanıb.

Sfera.az qaynarinfo-ya  istinadən xəbər verir ki, bu barədə Maliyyə Nazirliyi məlumat yayıb.

Bildirilib ki, sənəd 2020-ci ilə və orta müddətli dövrə dair makroiqtisadi proqnozları, büdcə-vergi siyasətinin əsas istiqamətlərini, dövlət büdcəsinin prioritet gəlir və xərclərini, habelə dövlət borcuna dair əsas məlumatları özündə əks etdirir. 

Proqnozlaşdırılır ki, 2020-ci ildə Azərbaycanda Ümumi Daxili Məhsulun (ÜDM) real iqtisadi artımı 82.7 milyard manat olacaq.

Proqnoza əsasən, ölkədə ÜDM ortamüddətli dövrdə orta hesabla 3,0 faiz real artımla 2023-cü ildə 96,9 milyard manata qədər artacaq.

Qeyd edək ki, ÜDM deflyatoru növbəti iki ildə 3,0 faizə qədər artsa da, 2022-23-cü illərdə 1,8 faiz səviyyəsində qərarlaşacaq.

Ənənəvi olaraq büdcənin sosial yönümlülüyü təmin ediləcək.

Bu əsasda, əməyin ödənişi, təqaüdlər və sosial müavinətlər, o cümlədən, əhalinin aztəminatlı təbəqələrinin sosial müdafiəsinin möhkəmləndirilməsi üzrə maliyyə təminatının yaradılması prioritet xərc istiqamətlərindən olacaq.

Ölkənin müdafiə qabiliyyətinin və təhlükəsizliyinin təmin edilməsi, xüsusi müdafiə xarakterli layihələr və tədbirlər üçün maliyyə təminatının yaradılması 2020-ci il və ortamüddətli dövrdə də davam etdiriləcək.

Xərc siyasətinin digər mühüm istiqaməti ərzaq təhlükəsizliyinin təmin edilməsi olacaq. Bununla  əlaqədar, aqrar sektorun  stimullaşdırılması, kənd təsərrüfatının aparıcı sahələrinin inkişaf  etdirilməsi üçün müvafiq təşviq mexanizmləri formalaşdırılacaq, maliyyə  dəstəyi və subsidiyalar ayrılacaq.

2020-ci  ilin xərc siyasətinin əsas istiqamətlərindən biri səhiyyə sahəsində islahatların dəstəklənməsi olacaq. Belə ki, 2020-ci ildən başlayaraq ilk dəfə olaraq bütün ölkə ərazisində icbari tibbi sığortanın tətbiqi planlaşdırılır ki, bu məqsədlə dövlət büdcəsində əhəmiyyətli maliyyə vəsaiti nəzərdə tutulub.

2020-ci il və orta müddətli dövrdə nəqliyyat, kommunal infrastruktur, melioriasiya, sənaye və energetika, kənd təsərrüfatı kimi prioritet sahələrdə infrastruktur layihələrinin dəstəklənməsi, habelə, təhsil, səhiyyə, idman, mədəniyyət obyektlərinin, əlil və şəhid ailələri üçün evlərin tikintisi dövlət əsaslı vəsait qoyuluşunun prioritet istiqamətlərindən olacaq.

OXŞAR XƏBƏRLƏR

Dolların sabahkı məzənnəsi açıqlanıb

  Azərbaycan Mərkəzi Bankı (AMB) dolların iyulun 15-nə olan məzənnəsini açıqlayıb. Sfera.az-ın AMB-yə istinadən verdiyi məlumata görə, 15.07.2020-ci il t...

AMB-nin valyuta məzənnələri

  Azərbaycan Mərkəzi Bankı (AMB) bu günə olan rəsmi valyuta məzənnələrini açıqlayıb. Sfera,az xəbər verir ki, 2020-ci ilin iyulun 14-də ABŞ dollarının mə...

Kapital Bank 2020-cu ilin ikinci rübünün nəticələrini elan edib

  Kapital Bank-ın aktivləri 1 iyul 2020-ci il tarixinə 4,9 milyard manat təşkil edib. Müştərilərə verilən kreditlərin həcmi isə 2,2 milyard manat olub. B...

Dolların sabahkı məzənnəsi açıqlanıb

  Azərbaycan Mərkəzi Bankı (AMB) dolların iyulun 14-nə olan məzənnəsini açıqlayıb. Sfera.az-ın AMB-yə istinadən verdiyi məlumata görə, 14.07.2020-ci il t...

Biznes və marketinq rəhbərləri üçün qlobal şirkətlərdən pulsuz təlim - Qeydiyyat üçün son gün

  Azərbaycan Beynəlxalq Bankının təşkilatçılığı, qlobal Unite Edelman şirkətinin təşkilati dəstəyi ilə sabah saat 14.00-da Bakı Marketinq Forumu başlanır....

“İqtisadi böhran və koronavirusun cəngində qalan Paşinyan daxili gərginliyi azaltmaq üçün təxribata əl atır”-RƏY

  Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya a...