No Image
No Image

"Fransa hakimiyyəti siyasi həzmsizlik sindromu yaşayır” - Politoloq

Xəbər verdiyimiz kimi Fransa Prezidenti Emmanuel Makron yenidən Ermənistana dəstəyini nümayiş etdirib. Makron "Azərbaycan əsgərləri dərhal Ermənistanın sərhəddindən çəkilməlidir”, - deyə bildirib.

Bununla bağlı politoloq Nurlan Qələndərli Sfera.az-a açıqlamasında deyib ki, Makronun yenidən qərəzli, qeyri-obyektiv fikirlər ifadə etməsi, qatı ermənipərəst mövqe sərgiləməsi növbəti özünüifşadır:

"Bu zamana qədər, xüsusilə də münaqişə dövründə bu dövlətin ermənipərəst mövqeyinə şahidlik etmişik. Fransa ATƏT-in Minsk qrupunun həmsədri mandatını daşımasına baxmayaraq, münaqişənin həlli məsələsi ilə əlaqədar qərəzli, birtərəfli yanaşma ortaya qoyub. Bəhs olunan dövlətin bu qəbuledilməz mövqeyi status-kvonun qorunub saxlanması, Ermənistanın işğalçı siyasətinin davam etməsi və separatizmin hökm sürməsi kimi dağıdıcı məqsədlərə xidmət edib.

44 günlük müharibə dövründə də Makronun açıqlamaları Fransa hakimiyyətinin beynəlxalq hüquq normalarına zidd və qərəzli mövqe sərgilədiyini təsdiqləyib. Son faktlar onu göstərir ki, E. Makron erməni lobbisi və diasporunun təsiri altındadır. Azərbaycan öz milli güc resursları vasitəsilə münaqişənin hərbi-siyasi yolla həllinə nail olub. Təcavüzkar Ermənistan məğlub ölkə kimi  kapitulyasiya aktını imzalayıb. Fransa hakimiyyəti isə hələ də bu məğlubiyyətlə əlaqədar siyasi həzmsizlik sindromu yaşayır”.

Politoloq qeyd edib ki, Makronun mövqeyi Fransanın milli maraqlarına zərbədir:

"Yəni bu, tamamilə yanlış siyasət və qeyri-adekvat strateji yanaşmadır. Fransanın rasional dövlət ağlı varsa, reallığı qəbul və dərk etməlidir. Anlamalıdır ki, Cənubi Qafqazın lider dövləti olan Azərbaycan işğalçını cəzalandırıb və yeni reallıqlar yaradıb. Ölkəmiz regionda dayanıqlı sülhün, etibarlı təhlükəsizliyin və çoxtərəfli əməkdaşlığın təmin olunması istiqamətində mövcud geostrateji reallıqlara uyğun və gələcəyə hesablanmış konkret addımlar atır.

Bölgədə yeni geostrateji situasiyanın yaranması Avrasiyada beynəlxalq dialoq, inteqrasiya və əməkdaşlıq zəminində bir çox xalqlar və dövlətlər üçün əhəmiyyətli siyasi-iqtisadi dividendlər vəd edir. Fransa bu reallığı nəzərə almaqla praqmatik davranış sərgiləməli, strateji səhvlərə yol verməməlidir. Əks halda, bumeranq effektli siyasət bu ölkənin öz maraqlarını zərbə altına qoymuş olacaq”.


Günay Rəsulqızı
Sfera.az



Sehliyali
Turan Bank

OXŞAR XƏBƏRLƏR

"Hər il kino sahəsinə ayrılan milyonlarla nazirliyin borcu silinir" - Xalq artistindən ETİRAZ

"Dünyada ən böyük gəlir gətirən sahələrdən biri kinodur. Gərək ona şərait yaradasan ki, qazanc götürəsən”.   Bunu Sfera.az-a açıqlamasında Xalq artisti, ...

Cərimələnən məşhur restoran bu müğənniləri də Bakıya gətirir - SİYAHI

Şənbə günü karantin rejiminin kobud şəkildə pozulduğu Mustafa Ceceli konsertinin təşkilatçısı və keçirildiyi "İstanbul Meyhane Bilgah” restoranı bu dəfə Bakıya ...

“Avroviziya-2021” mahnı müsabiqəsində səsvermə başladı - CANLI

Niderland Krallığının Rotterdam şəhərində Avroviziya-2021 mahnı müsabiqəsinin final mərhələsi başlayıb. Sfera.az xəbər verir ki, finalda Azərbaycan, Norve...

Bu gün “Avroviziya 2021”in FİNALI OLACAQ

Bu gün Niderlandın Rotterdam şəhərində "Avroviziya” mahnı müsabiqəsinin final mərhələsi baş tutacaq. Sfera.az xəbər verir ki, müsabiqə saat 23:...

Samirə "Avroviziya"nın finalına vəsiqə qazandı - VİDEO

Niderlandın Rotterdam şəhərindəki "Ahoy Arena”da "Avroviziya” mahnı müsabiqəsinin birinci yarımfinalı keçirilib.  Sfera.az xəbər verir ki, Azərbayca...

"Fransa hakimiyyəti siyasi həzmsizlik sindromu yaşayır” - Politoloq

Xəbər verdiyimiz kimi Fransa Prezidenti Emmanuel Makron yenidən Ermənistana dəstəyini nümayiş etdirib. Makron "Azərbaycan əsgərləri dərhal Ermənistanın sərhəddi...