Sfera.az xəbər ki, sentyabrda qiymətlər aylıq müqayisədə 1,2 faiz, illik müqayisədə 32,8 faiz artıb. Ötən ay qida məhsullarının qiymət indeksi 130-a yüksəlib ki, bu da 2011-ci ilin sentyabrından bəri ən yüksək səviyyədir. 

Əsas ərzaq məhsullarından taxılın qiymət indeksi bir ayda 2 bənd artıb. Taxılın bahalaşması hökumətlərin ixrac imkanların məhdudlaşdırması ilə bağlıdır. 

Taxıl məhsullarından buğdanın qiyməti aylıq müqayisədə 4 faiz, illik müqayisədə 41 faiz artıb. Qarğıdalı qiymətləri sentyabrda aylıq 0,3 faiz, illik 38 faiz yüksəlib. FAO hesab edir ki, mövcud vəziyyətdə buğdanın bir qədər də bahalaşması ehtimalı var.

Xammalın bahalaşması bitki yağlarının də dəyərini artırır. Bitki yağ qiymət indeksi sentyabrda aylıq müqayisədə 1,7 faiz, illik müqayisədə 60 faiz yüksəlib. Sentyabrda yağ qiymətlərinin bir qədər də yüksəlməsinə palmanın bahalaşması səbəb olub. Ötən ay soya və günəbaxan yağının qiymətləri isə enib. 

Süd məhsullarının qiymət indeksi də yüksəlir. Bu məhsullarda bahalaşmaya idxalın artması, həmçinin Avropa və Okeaniyada mövsüm dəyişikliyi səbəb olur. Müxtəlif amillərin təsiri ilə süd məhsullarının qiyməti 1,5 faiz artıb.

Qiyməti sürətlə artan digər mühüm ərzaq məhsulu şəkərdir. Əsas şəkər ixracatçısı olan Braziliyada hava şəraitinin pis keçməsi və yüksək etanol (spirt) qiymətlərinin artması ilə şəkər qiymətləri aylıq müqayisədə 0,5 faiz, illik müqayisədə 53,5 faiz artıb. 

FAO bildirir ki, digər məhsullarda bahalaşma olsa da, ət qiymətləri sabit məcrada qalıb. Bununla belə ət qiymətləri də son bir ildə yüksəlib. Bu məhsullarda bahalaşma 26,3 faiz olub.