“Ermənistanın ikinci “xozeyin”ə baş əyməsi Kremlin xoşuna gəlməyəcək” - MÜSAHİBƏ

“Ermənistanın ikinci “xozeyin”ə baş əyməsi Kremlin  xoşuna gəlməyəcək” - MÜSAHİBƏ
"Atlas” Araşdırmalar Mərkəzinin rəhbəri, politoloq Elxan Şahinoğlunun Sfera.az-a müsahibəsi.

- Elxan bəy, Ermənistan xarici işlər naziri Ararat Mirzoyan ötən gün İrana səfərə edib. Səfərin işguzar məqsədli olduğu bildirilsə də, Mirzoyanın mövcud İran-Azərbaycan münasibətlərinin gərgin olduğu bir vaxtda İrana səfəri diqqət çəkib. Sizcə, Mirzoyanı tələsik İrana səfər etməyə vadar edən səbəb nədir?

- Düzgün qeyd etdiniz. Ermənistanın xarici işlər naziri Ararat Mirzoyan sözün əsl mənasında tələsik Tehrana gedərək ölkəsinin İranla əməkdaşlığı genişləndirməkdə maraqlı olduğunu bildirib. Litvaya səfəri zamanı bu ölkənin erməni icmasının nümayəndələri ilə görüşən Baş nazir Nikol Paşinyan da bənzər şəkildə ölkəsinin İranın verdiyi dəstəyi heç zaman unutmayacağını qeyd etmişdi. Aydın məsələdir ki, Ermənistan qul psixologiyasından qurtula bilmir, Rusiyaya nökərçilik az idi, indi də ikinci ağaları olan İrana sədaqət andı içirlər.

- Ermənistanın indiki halda İrandan gözləntisi nədir?

- Tehran İrəvana Gorus-Qafan yoluna alternativ yol çəkəcəyini vəd edib. Yolu inşa edəcək İran şirkətinin nümayəndə heyəti artıq İrəvanda danışıqlara başlayıb. Ancaq rəsmi İrəvan İrana güvənməklə çox ciddi siyasi səhvə yol verir. Məsələ ondadır ki, Rusiyaya etibar etmək Emənistanı 44 günlük savaşdan xilas etmədi. İrana qulluğun da Ermənistana bir faydası olmayacaq. Əksinə, gün gələcək Moskva kimi Tehran da İrəvana kiminlə dostluq, kiminlə münasibətlərdə məsafə saxlamağı əmr edəcək. Tehranın Azərbaycanla bağlı bu oyunu alınmadı, İrəvan isə bəri başdan nökər olmağı vəd edib.
 
- Elxan bəy, Ermənistanın İranla bu yaxınlaşmasına Kremlin reaksiyası necə olacaq?

- Ermənistanın ikinci "xozeyin”ə baş əyməsi Kremlin  xoşuna gəlməyəcək. Misal üçün, Rusiya və İran Suriya məsələsində ortaq olsalar da, Tehranın Bəşər Əsədə nəzarət etməyə çalışması, "Hizbullah”dan İsrailə qarşı istifadə etməsi Kremlin xoşuna gəlmir. Rusiyanın İsraillə də yaxın münasibətləri var. İranın Ermənistanı tədricən nəzarətə götürməyə çalışması Kremlin narahatlığına səbəb olacaq.
 
- Qeyd etdiniz ki, İrəvan İran-Azərbaycan gərginliyindən öz məqsədləri üçün istifadə etməyə çalışır. Bu situasiya qarşısında rəsmi Bakı nə etməlidir?

- Bakı da Rusiya-Ermənistan-İran üçbucağının zəif nöqtələrini tapmağa çalışmalıdır. Digər tərəfdən, İranın Azərbaycana artan təzyiqi fonunda qonşu ölkəyə qarşı sanksiyalar tətbiq edən mərkəzlərin də gözlərini açmağa çalışmalıyıq. Xüsusilə, Azərbaycanı cəzalandırmağa çalışan ermənipərəst amerikalı konqresmenlərə qarşı ABŞ-dakı daha güclü yəhudi lobbisi ilə təmaslarımızı genişləndirməliyik. İran Azərbaycana qarşı açıq kartlarla oynamağa başlayıbsa, biz də kartlarımızı açmalıyıq. Prezident İlham Əliyev dünən Araz çayının kənarında "hardadır, burada İsrail?” deyərək Tehranın bəyanatlarına seyrçi qalmayacağını açıq bəyan etdi”.

Söhbətləşdi: Turan Rzayev
 
Sehliyali
Turan Bank

OXŞAR XƏBƏRLƏR

“Soçi görüşünə ümid daha böyükdür, Brüsseldə isə...” - MÜSAHİBƏ

Milli Məclisin deputatı Elman Nəsirovun Sfera.az-a müsahibəsi: - Elman müəllim, noyabrın 26-da Soçidə Rusiya, Azərbaycan və Ermənistan liderləri ...

“YAP üzvlüklə bağlı mənə müraciət etməyib, elə mən də...” – Deputat Arzu Nağıyevlə MÜSAHİBƏ

Azərbaycan Yazıçılar Birliyinin üzvü, "Trend” İnformasiya Agentliyinin baş direktorunun keçmiş müavini, təhlükəsizlik orqanlarının ehtiyatda olan zabiti, depu...

“Sülhməramlılar Şuşa ətrafındakı texnikaya görə izahat verməlidir” – Tofiq Zülfüqarovla MÜSAHİBƏ

Keçmiş xarici işlər naziri, politoloq Tofiq Zülfüqarovun Sfera.az-a müsahibəsi: - Tofiq müəllim, Ermənistanın Baş naziri Nikol Paşinyan parlamentin ötə...

Azərbaycanda 12-15 yaşlı nə qədər yeniyetmə peyvənd olunub? – RƏSMİ

Azərbaycanda peyvənd olunan yeniyetmələrin sayı açıqlanıb. Sfera.az xəbər verir ki, Səhiyyə Nazirliyindən verilən məlumata görə bu gün də daxil olmaqla 36...

“Qarşılıqlı güzəştlər olmalıdır” – Keçmiş XİN rəhbəri Ermənistanın hava məkanımızdan istifadəsi haqda

Xəbər verdiyimiz kimi, ötən gündən "Azərbaycan Hava Yolları” QSC (AZAL) Bakı-Naxçıvan reyslərinin yerinə yetirilməsi üçün Ermənistanın hava məkanından istifad...

“İran əlində zəif kartlar olsa da, “xox” gələn qumarbaza bənzəyir” - MÜSAHİBƏ

Politoloq Qabil Hüseynlinin Sfera.az-a müsahibəsi. - Qabil bəy, İran-Azərbaycan münasibətlərində yaşanan soyuqluq artıq gərginlik sferasına keçir. Döv...