"Belə təkliflərlə əldə olunan sazişi dəyişməyə
çalışmaq Ermənistanın özünə həmin sazişi yerinə yetirməmək bəhanəsi verər”.
Bu sözləri Sfera.az-a açıqlamasında Laçın dəhlizində
Azərbaycan və Türkiyədən olan müşahidəçilərin yerləşdirilməsi təklifinə münasibət
bildirərkən Milli Məclisin deputatı Aydın Mirzəzadə deyib:
"Azərbaycan ərazisində müharibə 10 noyabr
2020-ci ildə Bakı, Yerevan və Moskva arasında üçtərəfli sazişin bağlanması ilə
yekunlaşıb. Azərbaycan Prezidenti
sonrakı çıxışlarında bildirib ki, Azərbaycan
maksimum nə mümkündürsə, onu da edib. Bu gün əldə olunan sazişi dəyişməyə
çalışmaq Ermənistanın özünə həmin sazişi yerinə yetirməmək bəhanəsi verər. Ermənistanda
müxalifət həmin sazişlə razı deyil, onun dəyişdirilməsini, yeni əlavələrin
edilməsini irəli sürür. Azərbaycan isə sazişin heç bir bəndinin dəyişdirilmədən
yerinə yetirilməsinin tərəfdarıdır”.
Deputat bildirdi ki, Azərbaycan tərəfdən
sazişin dəyidirilməsinə təşəbbüs olarsa, onda sazişin özünü sual altında
qoyuruq və 44 günlük müharibə nəticəsində
əldə etdiyimiz nailiyyətlər təhlükə altına düşə bilər:
"Bu səbəbdən də 10 noyabr sazişi heç bir dəyişikliyə
uğramadan yerinə yetirilməlidir. Digər məsələlər isə zaman-zaman həllini tapacaq. Necə ki, Azərbaycan
Prezidenti Dağlıq Qarabağ məsələsini həll etdi, Ermənistan qoşunları ərazilərimizdən
çıxarıldı. Laçın dəhlizi məsələsində də Azərbaycanın önəmli sözü var. Buna
uyğun digər məsələlər də öz həllini tapacaq. Amma sazişin dəyişdirilməsi
qeyri-mümkün məsələdir”.
Elçin
Sfera.az
