No Image
No Image

Ərdoğanın sözçüsü: Qarabağda fəaliyyət üzrə Rusiya ilə danışıqlar davam edir

Ərdoğanın sözçüsü: Qarabağda fəaliyyət üzrə Rusiya ilə danışıqlar davam edir
 Türkiyənin Silahlı Qüvvələri müdafiə sahəsində çoxdan Azərbaycan tərəfi ilə fəal və sıx qarşılıqlı əlaqədədirlər.

Sfera.az xəbər verir ki, bu barədə Türkiyə prezidentinin sözçüsü İbrahim Kalın NTV telekanalına müsahibəsində bildirib.

O, qeyd edib ki, Türkiyənin hərbi qulluqçuları Qarabağda olacaqlar.

"Yəni müəyyən mənada biz çoxdan Azərbaycandayıq. İndi Cənubi Qafqaza hərbi qulluqçuların göndərilməsi haqqında fərmanın layihəsi parlamentdən keçib. Bu o deməkdir ki, biz monitorinq mərkəzinin hissəsi kimi Qarabağda olacağıq", - Türkiyə liderinin mətbuat katibi deyib.

İbrahim Kalın diqqəti Qərbdəki müəyyən dairələrin Rusiya hərbçilərinin Dağlıq Qarabağa daxil olması ilə bağlı narahatlığına cəlb edib. "Qarabağa Rusiya hərbçilərinin olmasına narahatlığını ifadə edənlər nədənsə Ermənistanda Rusiya hərbi bazasının mövcudluğunu susurlar. Əgər siz həqiqətən Qafqazdakı rus qoşunlarından narazısınızsa, onda Rusiya Federasiyasının hərbi bazasının Ermənistandan çıxarılmasını tələb edin. Amma sizin buna gücünüz yoxdur!", - Kalın deyib.

Türkiyə prezidentinin mətbuat katibi xatırladıb ki, ABŞ Dağlıq Qarabağ münaqişəsi zonasında atəşin dayandırılması haqqında razılaşma təşəbbüsü ilə çıxış edəndə rəsmi Ankara bu ideyanı dəstəkləyib, amma razılıq əldə edilməyib. Bu, Fransanın özünə də aiddir.

"Nə NATO, nə də Avropa Birliyi faktiki olaraq Qarabağ üzrə konkret və reallaşdırılan təkliflə çıxış etdi, halbuki Moskva və Ankara 30 illik münaqişənin nizama salınması üzrə qarşılıqlı anlaşmaya nail ola bildi", - Kalın deyib.

Onun sözlərinə görə, Rusiya ilə Qarabağ üzrə Monitorinq mərkəzinin fəaliyyəti üzrə danışıqlar davam edir. "Dialoqun birinci mərhələsi qurtardı. Rusiya tərəfi Ankaranın mövqeyi haqqında məlumatlandırılıb. İndi Rusiya nümayəndə heyətinin üzvləri Kremldən müvafiq təlimatları alacaqlar. Dialoqda Türkiyənin Müdafiə Nazirliyinin, Xarici İşlər Nazirliyinin və xüsusi xidmət orqanlarının nümayəndələri iştirak edirlər. Yaxın günlərdə mərkəzin yeri və iş prinsiplərini müəyyən ediləcək. Kimin nəyə məsul olması dəqiq müəyyənləşdiriləcək. Hər halda Türkiyə hərbi qulluqçuları Qarabağ üzrə mərkəzdə olacaqlar", - Kalın əlavə edib.

OXŞAR XƏBƏRLƏR

“Danışıqlar “yapon teatrı”na çevrilmişdi, İlham Əliyev isə...” – “Le Monde” İkinci Qarabağ müharibəsindən yazdı

Fransanın nüfuzlu "Le Monde” nəşrində Ermənistanın Dağlıq Qarabağdakı məğlubiyyətinin səbəbləri ilə bağlı məqalə yayımlanıb.   Məqalə müəllifləri - ...

Azərbaycan və İndoneziya XİN başçıları arasında telefon danışığı oldu

Azərbaycanın xarici işlər naziri Ceyhun Bayramov və İndoneziyanın xarici işlər naziri Retno Marsudi arasında telefon danışığı baş tutub. XİN-dən Sfera.az-...

Paşinyan arvadının kölgəsinə sığınmağa cəhd edir - Yeni məkrli addım

Mətbuatın yazdığına görə, Ermənistan Xarici İşlər Nazirliyi əcnəbi ölkələrdəki səfirliklərinə baş nazir Nikol Paşinyanın həyat yoldaşı Anna Akopyanın dünya dövl...

Hulusi Akardan Fransa Senatının qətnaməsi ilə bağlı AÇIQLAMA

"Senatın qətnaməsi Fransanın Qarabağ məsələsində həllin deyil, problemin parçası olduğunu bir daha nümayiş etdirib”. Sfera.az  "Anadolu”ya istinadən ...

Bölgənin "açar ölkə"si Azərbaycanla əlaqələri gərginləşdirmək nə ilə nəticələnə bilər? - Qərbə AÇIQ MESAJ

Xarici mətbuata açıqlamasında ABŞ-ın Avropadakı Quru Qoşunlarının sabiq komandanı general-leytenant Ben Hodges bildirib ki, Qərb Qara dəniz bölgəsində əlaqələri...

Milli Məclisin Fransaya qarşı bəyanatının TAM MƏTNİ

Milli Məclisin bugünkü plenar iclasında qıbul olunmuş bəyanatın tam mətni yayılıb. Sfera.az bəyanatı təqdim edir. Fransada fəaliyyət göstərən ayrı-ayrı türkof...