Ən çox milyarderin yaşadığı şəhər dəyişdi - 7 il sonra ilk dəfə...
12:27 / 08.04.2021
1127
Dünyada ən çox milyarderin yaşadığı yer bəlli olub.
Sfera.az xəbər verir ki, bu barədə məşhur "Forbes” jurnalı araşdırma aparıb. Qeyd edilib ki, Çinin paytaxtı Pekin siyahıya liderlik edir.
Belə ki, Pekində yaşayan milyarder sırasına daha 33 nəfər qatılıb və beləliklə şəhərdəki milyarder sayı 100-ə çatıb. Jurnalın məlumatına görə, Pekin yeddi ildir zirvədə olan və 99 milyarderin yaşadığı Nyu Yorku üstələyərək ilk sırada yer ala bilib.
Buna baxmayaraq Nyu Yorkda yaşayan milyarderlərin sərvətinin Pekində yaşayanlardan 50 milyard dollar daha çox olduğu bildirilib.
Ümumilikdə, Çində yaşayan milyarderlərin sayı 698-ə qalxıb və bununla da say 724 milyarderin yaşadığı ABŞ-a yaxınlaşıb.
Qeyd edək ki, bu sahədə üçüncü yerdə qərarlaşan ölkə 140 milyarderlə Hindistandır.
Türkan
Sfera.az
