No Image
No Image

“Neftçi” "Dinamo"ya qalib gəlib növbəti mərhələyə yüksəldi

“Neftçi”

"Neftçi” UEFA Çempionlar Liqasında I təsnifat mərhələsinin cavab oyununda Gürcüstanın "Dinamo” (Tbilisi) komandası ilə qarşılaşıb.

Sfera.az-ın məlumatına görə, "Bakcell Arena”da keçirilən görüş Tbilisidə olduğu kimi flaqmanın 2:1 hesablı qələbəsi ilə başa çatıb.

Qitənin ən nüfuzlu klub turnirində yubiley – 20-ci oyununa çıxan meydan sahibləri matça fəal başlayıblar. Paytaxt təmsilçisi 24-cü dəqiqədə qola yaxın olsa da, Yusuf Lavalın sol cinahdan ötürməsinə Sezar Meza Kolli toxuna bilməyib. Qonaqların buna cavabı daha təhlükəli alınıb. Cinah ötürülən topu Giorgi Qabedava başla qapıya göndərsə də, Aqil Məmmədov rəqib hücumçunun fərqlənməsinə imkan verməyib. 44-cü dəqiqədə Qabedava növbəti dəfə diqqət mərkəzinə düşüb. Bu dəfə onun zərbəsində azacıq dəqiqlik çatmayıb. Birinci hissə qolsuz bərabərliklə yekunlaşıb.

İkinci yarının startında "Neftçi”nin heyətində Mamadu Mboc kobud səhvə yol verib. Amma Gürcüstan təmsilçisi oyunçunun bu "hədiyyə”sindən istifadə edə bilməyib. Buna baxmayaraq, 51-ci dəqiqədə "Dinamo” Milan Radinin qolu ilə hesabı açıb. Lakin qonaqların sevinci cəmi 7 dəqiqə çəkib. Cərimə meydançasında Meza Kolliyə qarşı kobudluqdan sonra təyin olunmuş penaltini kapitan Emin Mahmudov dəqiq yerinə yetirib. Hesabı bərabərləşdirdikdən sonra hücuma daha inamla atılan "ağ-qaralar” 68-ci dəqiqədə 2-ci topu vurublar. İlk oyunda rəqib qapısına yol tapan Namik Ələskərov cavab matçında da adını tabloya yazdırıb. Oyunun sonlarına doğru "Dinamo” hesabı bərabərləşdirsə də, yan xətt hakimi ofsayd qeydə alıb. Görüşün əsas vaxtına əlavə olunmuş 3-cü dəqiqədə "Neftçi"nin yarımmüdafiəçisi Mamadu Kane topu boş qapıdan çıxarıb.

Beləliklə, evdə əzmkar qələbə qazanan "Neftçi” II təsnifat mərhələsinə yüksəlib. Komandanın növbəti raunddakı rəqibi Yunanıstan "Olimpiakos”u olacaq. İlk oyun iyulun 21-də səfərdə, cavab görüşü isə 1 həftə sonra Bakıda keçiriləcək. "Dinamo” isə mübarizəni Konfrans Liqasında davam etdirəcək.

 

 

Sehliyali
Turan Bank

OXŞAR XƏBƏRLƏR

Azərbaycan Tokio-2020-də ilk medalını qazandı

Azərbaycanın qadın cüdoçusu İrina Kindzerska Tokio-2020 Yay Olimpiya Oyunlarında bürünc medal qazanıb.   Milliləşdirilmiş ukraynalı idmançı ...

"İdman TV"dən ittihamlara CAVAB: "Bu, bizim günahımız deyil"

"İşimizdə qara rənglərin axtarılmasını anlaya bilmirəm. Necə ola bilər ki, Azərbaycan idmançısı olimpiadada çıxış etsin, imkan olduğu halda biz onu yayımlamayaq...

Bu gün Tokio olimpiadasının açılış mərasimi keçiriləcək

Bu gün Yaponiyanın paytaxtı Tokioda Yay Olimpiya Oyunlarının açılış mərasimi keçiriləcək. Sfera.az-ın məlumatına görə, tədbir Bakı vaxtı ilə saat 15:00-d...

Prezidentdən Çingiz Hüseynzadə ilə bağlı SƏRƏNCAM

Azərbaycan Respublikasında Olimpiya Hərəkatının inkişafında uzunmüddətli səmərəli fəaliyyətinə görə Çingiz Muxtar oğlu Hüseynzadə "Şərəf” ordeni ilə təltif edil...

“Neftçi” "Dinamo"ya qalib gəlib növbəti mərhələyə yüksəldi

"Neftçi” UEFA Çempionlar Liqasında I təsnifat mərhələsinin cavab oyununda Gürcüstanın "Dinamo” (Tbilisi) komandası ilə qarşılaşıb. Sfera.az-ın məlumatına gör...

Operativ Qərargah razılıq verdi: Klublarımıza xoş xəbər

Azərbaycan klublarının avrokubok oyunlarında tribunalara stadionların ümumi azarkeş tutumunun 50 faizi qədər azarkeş buraxılacaq. Sfera.az xəbər verir ki,...