“Elmar Məmmədyarovun işdən çıxarılması...” – Deputatlar XİN-dəki əməliyyat haqda...

“Elmar Məmmədyarovun işdən çıxarılması...” – Deputatlar XİN-dəki əməliyyat haqda...

"Xarici İşlər Nazirliyində (XİN) rüşvətxorluq və korrupsiya ilə bağlı həbslərin keçirilməsi təbii ki, hökumətin anti-korrupsiya mübarizəsində davamlı fəaliyyət göstərdiyinin göstəricisidir. Bu həm də cəmiyyət üçün mesajdır ki, rüşvətxorluqla mübarizə heç də dayanmayıb, davamlı olacaq”.


Sfera.az-a açıqlamasında bu sözləri Xarici İşlər Nazirliyində Dövlət Təhlükəsizlik Xidmətinin (DTX) keçirdiyi əməliyyata münasibət bildirərkən Milli Məclisin deputatı Razi Nurullayev deyib:


 


"Hazırda XİN-də nələrin baş verdiyindən xəbərsizəm, ona görə də birbaşa onları günahlandırmaqdan uzağam. Lakin dövlət büdcəsini talayanlar , bu yolla özlərinə biznes quranlar doğru yolda deyil və maskalılar bir gün onların da qapısını döyə bilər. XİN strateji mühüm sahədir”.

 

Deputat qeyd etdi ki, sözügedən qurumda belə anormal halların baş verməsi bütövlükdə Azərbaycanın imicinə zərbə vura bilər: "XİN-nin bu məsələdən üzüağ çıxacağına inanmaq istərdim.Bu elə bir cinayət əməli olsun ki, dövlətimizin xarici siyasəti üzərinə ləkə salmasın. Ümid edirəm belə də olacaq. Elmar Məmmədyarova münasibətim mənfi deyil. Onu korrupsioner nazir hesab etmirəm, bununla bağlı faktlar yoxdur. Düzdür, onun övladları ilə bağlı məsələlər araşdırılmışdı.Lakin bu məsələ ilə bağlı da tam məlumata malik deyiləm. Elmar Məmmədyarov ölkənin xarici işlər naziridir, dövlətimizi dünyada təmsil edir”.

 

Bu səbəbdən də R. Nurullayev düşünür ki, yaranmış vəziyyətdə hələ bir çox məsələlər aydınlaşmadan Xarici İşlər Nazirinin hədəfə alınması Azərbaycan üçün doğru deyil: "Elmar Məmmədyarovun işdən çıxarılması Prezidentin səlahiyyətində olan məsələdir. Bu şəkildə XİN rəhbərinin birbaşa hədəfə alınması Azərbaycanın beynəlxalq aləmdə nüfuzuna ciddi zərbə vurar.Bu həm də Dağlıq Qarabağ konfliktinin həlli prosesində də müəyyən problemlər yarada bilər. Ona görə də indiki halda, nazirlikdə baş verən olaya görə Elmar Məmmədyarovun hədəfə gətirilməsinin tərəfdarı deyiləm”.



"Heç kəs özünü məsuliyyətdən azad hiss edə bilməz”


Bunu isə Milli Məclisin deputatı Aydın Mirzəzadə söylədi: "XİN-də keçirilən bu əməliyyat bir daha göstərir ki, dövlətimiz korrupsiyaya və vəzifədən sui-istifadəyə qarşı çox kəskin mövqe tutub. İlkin məlumatlar göstərir ki, Dövlət Təhlükəsizlik Xidmətində sözügedən qurumdakı vəziyyətlə bağlı ciddi şübhələr yaranıb. Hər kəs üçün aydın olur ki, heç kəs özünü dövlətdən üzərinə götürdüyü məsuliyyətdən azad hiss edə bilməz”.

 

Deputat Şahin Seyidzadə isə indilikdə məsələ barədə münasibət bildirməyin düzgün olmadığı qənaətindədir: "Ona görə ki, hazırda Dövlət Təhlükəsizlik Xidməti məsələ barədə ətraflı məlumat verəcəyini bildirib. İndilikdə bizə sensasiya lazım deyil. Proses ətrafında müxtəlif versiyalar irəli sürürlər. Mötəbər fikir qeyri-mötəbər fikirdən onunla fərqlənir ki, birincisi məlumatla bağlı mənbələrin nəticələrini gözləyir. Digərləri isə sadəcə yazır. Ona görə təklif edirəm ki, hər şey bitsin, sonra baxaq görək nə baş verib və onunla bağlı xüsusi bilgilər vermək lazım olacaqsa, bildirərik”.

  

Elçin

Sfera.az

OXŞAR XƏBƏRLƏR

General Prezident Administrasiyasında: Ordudakı vəziyyət müzakirə edildi

Azərbaycan Respublikasının Prezidenti, Ali Baş Komandan İlham Əliyevin son çıxışlarında ideoloji işin gücləndirilməsi ilə bağlı qarşıya qoyduğu vəzifələrin icra...

Vətəndaş niyə 190 manat tələb edir, amma işləmək istəmir? – Ekspert səbəbləri açıqladı

"Vətəndaşlar işləmək əvəzinə daha çox 190 manat üçün müraciət edirlər. Bizim 26 mindən artıq vakant iş yerimiz var”. Bu açıqlamanı Milli Məclisin İqtisad...

“Riçard Hoqland bunu niyə indi deyir?” - Diplomatın Qarabağ açıqlamasına etiraz

"Dağlıq Qarabağ BMT-nin protektoratlığı altına keçməməlidir”. Bu sözləri Sfera.az-a açıqlamasında ATƏT-in Minsk qrupunun ABŞ-dan olan sabiq həmsədri Riça...

Beyrut dəhşətli partlayışlardan sonra bu hala düşdü – FOTOLAR

Dünən Livanın paytaxtı Beyrutda güclü partlayış baş verib, nəticədə 78 nəfər ölüb, 4 mindən çox insan yaralanıb. Sfera.az xəbər verir ki, şəhərin bir neçə...

Samir Şərifov Milli Məclisdə - Azalmalar gözlənilir...

"Koronavirus pandemiyasının yayılması qlobal iqtisadiyyatda neqativ meyllərinin artmasına gətirib çıxarıb”. Sfera.az-ın məlumatına görə, bunu Milli Məclis...

Gömrük generalı İsmayıl Hüseynovla bağlı araşdırma başlandı - Təfərrüat

Dövlət Gömrük Komitəsi sədrinin birinci müavini, general-mayor İsmayıl Hüseynovla bağlı araşdırma başlanıb. Sfera.az-ın məlumatına görə, gömrük generalını...