Ekspertlərin “sentyabrın 1-nə qayıdış” təklifi: TƏHSİL NAZİRLİYİ AÇIQLAMA VERMƏKDƏN YAYINDI

Ekspertlərin “sentyabrın 1-nə qayıdış” təklifi: TƏHSİL NAZİRLİYİ AÇIQLAMA VERMƏKDƏN YAYINDI
 

"Birmənalı olaraq deyirəm ki, dərslər sentyabrın 1-i başlamalı, mayın 31-i bitməlidir”.

 

Sfera.az-a açıqlamasında bu sözləri orta məktəblərdə dərslərin başlanma və bitrməsi müddətilə bağlı səslənən fikirlərə münasibət bildirərkən təhsil eksperti Vagiq Abışov deyib: "Uzun müddət təhsil sahəsində çalışan bir müəllim kimi deyə bilərəm ki, vaxtilə sentyabrın 1-də dərsə başlayıb, mayın sonunda onu başa vuran şagirdlərin savad dərəcədi, təhsildə göstərdikləri nailiyyətlər , imtahanlarda topladığı ballar indikindən qat-qat yüksək idi. Burada söhbət haçan başlamaq və haçan başa çatdırmaqdan getmir. Söhbət orta ümumtəhsil məktəblərində verilən təhsil, elm və şagirdlərə yanaşma və onları qane edən formadan gedir. Birmənalı olaraq bu fonda deyirəm ki, dərslər sentyabrın 1-i başlamalı, mayın 31-i bitməlidir. İnsanlarımızın, valideyn, müəllim və şagirdlərin psixologiyasında bu forma qalıb. Mayın 31-dən sonra məktəblərdə dərslər demək olar ki, keçirilmir. Proqram mayın 31-də başa çatır, dərs kitabları yığılırsa, bal toplama baxımından nəticə yoxdursa, nə fərqi var ki, tətbiq olunaraq dərslər sentyabrın 15-də başlayıb, iyunun 15-də də başa çatır”.

 

 

Həmsöhbətimiz düşünür ki, əhalinin də mütləq əksəriyyəti dərslərin məhz sentyabrın 1-də başlayıb, mayın 31-də bitməsinin tərəfdarıdır:

 

 

"İctimaiyyət arasında geniş sorğu aparılsa, deyərdim ki, onların 99 faizi dərslərin sentyabrın 1-də başlayıb mayın 31-də qurtarmasını daha əlverişli sayacaqlar. Həm məktəb, həm təhsil, həm uşaqlar, həm də müəllimlərimiz üçün. Qüvvəni müəllimin elmi potensialı və maddi durumunu yaxşılaşdırmağa, məktəblərin iqtisadi durumu və tədrisi gücləndirməyə verməliyik”.


Təhsil Nazirliyinin mətbuat xidmətinin əməkdaşı Büllurə Hacızadə isə məsələ ilə bağlı sualımıza ancaq yazılı sorğu göndərildikdən sonra cavab verə biləcəklərini dedi.


Qeyd edək ki, son günlər cəmiyyətdə tanınan bir çox insanlar orta məktəblərdə dərslərin sovet dönəmi və müstəqillik illərinin ilk dövründə olduğu kimi sentyabrın 1-də başlayıb mayın 31-də bitməsi qaydasına qayıdılmasının vacibliyini vurğulanmağa başlayıblar. Hətta keçirilən mini sorğularda validenylərin əksəriyyəti də əvvəlki qaydalara qayıdılmasının daha məqbul olduğunu bildiriblər.

 

 

Elçin

OXŞAR XƏBƏRLƏR

“Şərt qoyulmalıdır ki, oxuyub Azərbaycana qayıtsınlar” – Xaricdə təhsillə bağlı təklif

  "Xaricdə təhsil üzrə Dövlət Proqramı bərpa olunmalıdır. Amma təklif edirəm ki, həmin proqram bakalavr pilləsinə deyil, mütləq şəkildə magistratura, do...

“Şagirdlərin məktəbə telefon gətirməsi qadağan olunsun?” – Ekspert rəyi

  Millət vəkili Azər Badamov parlamentin son iclasında şagirdlərin məktəbə telefonla gəlməsinin qadağan edilməsilə bağlı təkliflə çıxış edib. Sfera...

Universitet gənc qızlara həyat yoldaşı tapmaq üçün ideal məkandır – Ekspertdən qalmaqal yaradacaq açıqlama

Şərq ölkələri ilə Qərb ölkələrinin mentaliteti tamamilə fərqlidir. Qərbdə gənclər gələcək həyat yoldaşlarını özləri axtarıb tapır. Onların bibinin, xalanın, ...

Hansı tələbələr təhsil haqqından azad olunacaq? - NAZİRLİK AÇIQLADI

  ""Valideynlərini itirmiş və valideyn himayəsindən məhrum edilmiş uşaqların sosial müdafiəsi haqqında" qanuna görə, hər iki valideynini itirmiş, val...

Kişi müəllimlər niyə azdır? – EKSPERT SƏBƏBLƏRDƏN DANIŞDI, ÇIXIŞ YOLU GÖSTƏRDİ

"Ailə başçısı olan kişi müəllimləri kommunal və nəqliyyat xərclərindənazad etməliyik”. Sfera.az-a açıqlamasında bu sözləri Azərbaycan orta ümumtəhsil ...

Niyə bu il 700 bal toplayan yoxdur? - DİM SÖZÇÜSÜ SUALLARI CAVABLANDIRDI

AzadlıqRadiosu ali məktəblərə qəbul imtahanlarında bu ildən tətbiq edilən dəyişikliklər və imtahan sonrası nəticələrlə bağlı Dövlət İmtahan Mərkəzinin sözçüsü X...