Ekspert təhsil kreditləri ilə bağlı qaranlıq qalan məqamlara aydınlıq gətirdi

Ekspert təhsil kreditləri ilə bağlı qaranlıq qalan məqamlara aydınlıq gətirdi
Xəbər verdiyimiz kimi, Təhsil Tələbə Kredit Fondunun vəsaitləri hesabına təhsil tələbə kreditlərinin verilməsi Qaydasında nəzərdə tutulan tələb və güzəştlər açıqlandı.

Bu barədə Sfera.az-a danışan təhsil eksperti Kamran Əsədovun sözlərinə görə, təəssüf ki, qiyabi oxuyanlar ondan yararlana bilməyəcək:

"Bu yanlışdır. Hər dəfə hansısa bir qurum yarananda ona böyük ümidlərlə baxırıq. Təhsil Tələbə Kredit Fondu yarananda da düşündük ki, bütün tələbələr ondan yararlanacaq. Amma bu heç də belə deyil. Kredit iki hissədən, sosial paket və ümumi paketdən ibarətdir. Fərq ondadır ki, valideynləri işləməyən, valideyndən birini itirən, özü üçüncü qrup əlil olan tələbələr sosial paketdən faydalanacaqlar. Hansı ki, tələbə krediti digərində 4 faizdən verildiyi halda, sosial paketdə iki faizdən veriləcək. Təhsili başa vuranlar 10 il ərzində onu geri qaytaracaq. Bunlar müsbət addımlardır”. 

Ancaq həmsöhbətimizin fikrincə, müəyyən edilən qaydalarda çatışmayan tərəflər kifayət qədərdir:

"Atılan addım ancaq əyani tələbələrə şamil edilir, qiyabi oxuyanlar ondan istifadə edə bilməyəcək.  Ümumi orta müvvəfəqiyyət göstəricisi 71 baldan hesablanacaq. Bu rəqabət yaradacaq. Amma müəyyən qədər ədalətli deyil. Ehtiyacı olsa da, obyektiv, subyektiv səbəblərdən orta göstəricisi aşağı olanlar prosesdən yararlana bilməyəcək. Veriləcək kreditin məbləği məsələsi də ehtiyacı tam ödəməyə imkan verməyəcək. Məsələn, təhsil haqqı 5 min manat olsa da, Fondun Himayəçilər Şurası 3 min manatadək kredit verəcək.  Yerdə qalan hissəni isə tələbə özü ödəyəcək. Paketdə qeyd olunur ki, müraciət edən tələbənin təhsil haqqının 20 faizi onun özü tərəfindən ödənilməlidir. Bu faizi daha aşağı etməliyik. Geri qaytarmada güzəşt görmədim. Təhsil aldığı müddətdə beynəlxalq yarış və olimpiadaların qaliblərinə krediti bağışlamaq daha yaxşı olardı. 

Düşünürdüm ki, Fond tək təhsil haqqını deyil, tələbənin yaşayış və kirayə xərclərini də ödəyəcək. Bu da baş vermədi. Hər halda yaxşı addımdır. 80 milyon manatlıq vəsait 42 min tələbənin təhsil haqqını ödəməyə imkan verəcək”.

Rüfət SULTAN
Sfera.az
Sehliyali
Turan Bank

OXŞAR XƏBƏRLƏR

Sənədsiz evlərin sahiblərinə şad xəbər - VIDEO

Ölkə üzrə sənədsiz fərdi yaşayış evlərinin uçota alınması davam etdirilir. Artıq 100 minlərlə mənzilin inventarlaşdırılması yekunlaşıb. Sfera.az xeze...

Pensiya yaşına çatmadan ölən şəxsin hesabındakı pul kimə verilir? - RƏSMİ

Azərbaycanda pensiya yaşına çatmayan vətəndaşların vəfatından sonra sığorta hesabına yığılan pul ailə üzvlərinə pensiya təyin edilərək ödənilir.   Sfera....

“İran bu təlimlərdən niyə narahat olsun ki…” - Açıqlama

Azərbaycan və Türkiyə Respublikaları arasında imzalanmış hərbi əməkdaşlıq sazişinə əsasən Naxçıvanda hər iki ölkənin motoatıcı, xüsusi təyinatlı, komando və m...

Taksi sürücülərinə bəd xəbər - Oktyabrın 1-dən... - VİDEO

Koronavirusa qarşı birinci dozanı vurduran taksi sürücüləri gələn ayın əvvəlinədək ikinci dozanı da vurdurmalıdır. İkinci dozanı vurdurmayan sürücülərə qarşı po...

Pensiyalar bu tarixdə ödəniləcək

Sentyabrın 24-də bütün müavinət, təqaüd və kompensasiyaların ödənilməsi nəzərdə tutulub. Sfera.az xəbər verir ki, bu barədə Dövlət Sosial Müdafiə Fondu mə...

“ƏDV geri al” layihəsi ilə bağlı AÇIQLAMA

"ƏDV geri al” layihəsi çərçivəsində istehlakçılara 119,7 milyon manatadək vəsait qaytarılıb. Sfera.az-ın məlumatına görə, Azərbaycanda pərakəndə ticarət v...