Ekspert: SOCAR-ın Gürcüstan və Türkiyədə gəlirlərinin artması sevindirici haldır

Ekspert: SOCAR-ın Gürcüstan və Türkiyədə gəlirlərinin artması sevindirici haldır
 

Bu gün Azərbaycan Dövlət Neft Şirkəti (SOCAR) 2019-cu il üçün konsolidasiya edilmiş maliyyə hesabatlarını açıqlayıb.

Şirkətdən bildirilib ki, hesabata nüfuzlu beynəlxalq audit şirkəti "Ernst Young Holdings (CIS) B.V.” tərəfindən müsbət rəy verilib.

Hesabata əsasən, SOCAR 2019-cu ili mənfəətlə başa vurub. Audit olunmuş maliyyə hesabatlarına görə, şirkətin cəmi mənfəəti 5,8 mlrd manat, xalis mənfəəti 651 mln manat, cari aktivləri 19,2 mlrd manat, cari öhdəlikləri isə 17,3 mlrd manat təşkil edib.

Ötən il üçün şirkətin uzunmüddətli aktivləri 46,2 mlrd manat, uzunmüddətli öhdəlikləri isə 23,8 mlrd manat olub.Hesabat dövründə SOCAR-ın cəmi kapitalı 24,3 mlrd manatdan çox olub, nağd pul vəsaitləri isə 7,1 mlrd manata yüksəlib.
Eyni zamanda, 2019-cu maliyyə ilində SOCAR-ın ümumi dövriyyəsi (gəlirləri) 83,8 mlrd manat təşkil edib.

Bildirilib ki, bu göstəricinin mühüm hissəsi üçüncü tərəflərin neft və neft məhsulları ilə aparılan ticarət əməliyyatlarının payına düşür. Ötən il üçüncü tərəflərdən alınıb-satılan xam neft və neft məhsullarının ümumi dövriyyəsinin məhdudlaşdırılmasına baxmayaraq, ticarət əməliyyatlarının effektivliyi və onların mənfəət nisbəti artırılıb.

Hesabat dövründə şirkətin ümumi gəlirlərinin 92,7%-i xarici bazarlarda qeydə alınıb, bunun da 63,7 mlrd manatı İsveçrədəki "SOCAR Trading” və "SOCAR Energy Holding” şirkətləri vasitəsi ilə aparılan ticarət dövriyyəsinin payına düşüb.

Mənfəət nisbəti yüksək olan istehsal və nəql kimi sahələrdə ötən il şirkətin gəlirləri artmaqda davam edib, bu artım Türkiyədə 88,6%, Gürcüstanda isə 4,3% təşkil edib.

SOCAR-ın maliyyə hesabatını şərh edən Neft Araşdırmalar Mərkəzinin rəhbəri, enerji səhəsi üzrə ekspert İlham Şaban xatırladıb ki, 2019-cu ili SOCAR mənfəətlə başa vurub.
"Xalis mənfəət 2018-ci illə müqayisədə 573 mln manat azalıb.Bu da ondan irəli gəlir ki, SOCAR-ın konsolidə edilmiş gəlirləri 2019-da əvvəlki illə müqayisədə 111,2 mlrd manatdan 83,75 mlrd manatadək azalıb. Azalmaya iki faktor səbəb olub: neft qiymətlərinin dünya bazarında azalması və şirkətin kapital xərclərinin artması”.

Ekspert deyir ki, SOCAR-ın gəlirləri ötən il qonşu Gürcüstan və Türkiyə bazarında artım nümayiş etdirib ki, bu da sevindirici haldır: "Türkiyədə artımın səviyyəsi iki dəfəyə yaxın olub ki, Trans-Anadolu Qaz Boru Kəməri (TANAP) ilə qaz satışı həcmlərinin artması və STAR neft emalı zavodunun layihə gücünə yaxınlaşması ilə əlaqədardır”.

OXŞAR XƏBƏRLƏR

"BNA heç nədən çəkinmədən öz missiyası daxilində fəaliyyətini həyata keçirməlidir"

 Pandemiya dövründə ictimai nəqliyyatda əsas yük avtobus sənişindaşımasının üzərinə düşür. Belə ki, metropolitenin bağlanması ilə sərnişinlərin əksəriyyəti...

Azərbaycan Beynəlxalq Bankından bütün müştərilərə pulsuz TamKart və endirimli kredit

  Azərbaycan Beynəlxalq Bankı TamKart arzusunda olan hər bir müştəriyə indi bu kartı pulsuz əldə etmək imkanı yaradıb. Bankın iyulun sonuna qədər elan etd...

İyulun 13-də dolların manata qarşı məzənnəsi

  Manatın məzənnəsinə dair Azərbaycan Respublikası Mərkəzi Bankı məlumat açıqlayıb. Mərkəzi Bankdan Sfera.az-a verilən məlumata görə, 13.07.2020-ci il ta...

BNA-nın ünvanına səsləndirilən tənqidlər qərəzlidir - Rəy

 Azərbaycanda gücləndirilmiş sərt karantin rejiminin tətbiq olunması ilə Bakı Metropolitenin fəaliyyəti dayandırıldı və ictimai nəqliyyatda əsas yük avtobu...

Unibank özünüməşğulluq layihəsi çərçivəsində Qarabağ müharibəsi döyüşçüsünün arzusunu reallaşdırdı

  "Unibank”ın dəstəyi ilə daha bir  vətəndaşımız şəxsi biznesini yaratmaq arzusuna çatdı. Tərtər şəhərində yaşayan, Qarabağ müharibəsi əlili Həsən Əs...

“5 ayın iqtisadi göstəriciləri gələcəyə dair pozitiv vədlər verir” - Deputat

  "Dünya enerji bazarlarındakı durğunluq və qlobal maliyyə böhranının Azərbaycan iqtisadiyyatına təsirsiz ötüşmədiyini hamımız hiss edirik. Yeni növ koron...