Beynəlxalq Valyuta Fondu dünya iqtisadiyyatının zəifləməyə davam etdiyini və kəskin sarsıntılar qarşısında həddən artıq müdafiəsiz qaldığına dair xəbərdarlıq edib.
Sfera.az BBC-yə istinadən xəbər verir ki, BVF ekspertləri iqtisadiyyatın çökməsini artan maliyyə qeyri-sabitliyi və aktivlərin qiymətinin ucuzlaşması fonunda baş verdiyini bildiriblər.
Fondun hesabatına görə, dünyanın iri iqtisadiyyatlarının inkişafının sürəti azalır, bəzi ölkələrdə tələbatın azalması iqtisadi inkişafın bərpası prosesini çətinləşdirir.
BVF-nin hesabatı bu həftə Şanxayda keçiriləcək "Böyük iyirmilik” üzv-ölkələrinin maliyyə nazirləri və mərkəzi banklarının rəhbərlərinin görüşləri ərəfəsində dərc edilib.
BVF, həmçinin bütün iqtisadi inkişaf proqnozlarının bazardakı qeyri-sabitlik, neftin qiymətinin ucuzlaşması və geosiyasi münaqişələr ilə pozula biləcəyinə dair xəbərdarlıq edib.
Daha öncə BVF iqtisadiyyatın qlobal inkişafına dair proqnozunu azaldıb. Yeni porqnoza görə, bu ilin nəticələrinə görə, artım 3,4%, 2017-ci ildə isə 3,6% səviyyəsində olacaq.