“Apple” istifadəçiləri şikayətçidir: "Bəzən iki saat gecikmə olur...”

“Apple” şirkəti “İPhone” telefonlarındakı zəngli saat problemlərini hələ də həll edə bilməyib.

Sfera.az “The Verge” nəşrinə istinadən xəbər verir ki, bəzi “iPhone” telefonlarında zəngli saat səsinin qəfil sönməsi və ya sonra işə başlaması qüsurları aşkarlanıb.

Bu hallara ilk dəfə 2024-cü ilin yazında rast gəlinib. “Apple” problemin olduğunu etiraf edib və onu aradan qaldıracağını söz verib. Lakin aradan bir ilə yaxın vaxt keçsə də, “iPhone” istifadəçiləri cihazdakı bu nasazlıqdan şikayətlənməyə davam edirlər.

Zəngli saatda siqnal səsinin işə düşməsində gecikmələr bəzən 2 saata qədər olur. Məlumatlara görə, belə bir problem bütün “iPhone” modellərində və bütün telefonlarda müşahidə edilməyib.

Bununla belə, sosial şəbəkələrdəki qeydlərdə oxşar çatışmazlıqlardan əziyyət çəkənlərin sayının çox olması aşkarlanıb.

Vasif

Sfera.az