Çin Xalq Respublikasının BMT-dəki daimi nümayəndəsinin müavini Qenq Şuanq bildirib ki, Birləşmiş Ştatlar öz geosiyasi strategiyasını inkişaf etdirmək üçün Ukraynadakı münaqişədən istifadə etməyi dayandırmalıdır.

Sfera.az xarici KİV-ə istinadən xəbər verir ki, diplomatın fikrincə, amerikalılar diqqəti yayındırır və məsuliyyəti başqa yerə köçürür - bu, Ukrayna böhranını həll etməyəcək.

Qenq Şuanq onu da qeyd edib ki, Çin Ukraynadakı münaqişənin tərəflərindən biri deyil və qarşıdurmanı bilərəkdən uzadan Vaşinqtondan fərqli olaraq heç kimə silah vermir.

Bundan əvvəl Rusiyanın BMT-dəki daimi nümayəndəsi Vasili Nebenzya vəziyyətin sülh yolu ilə həllinin mümkün olduğunu bildirib. O bildirib ki, bunun üçün kifayətdir ki, Qərb Kiyev rejimini silahla təmin etməyi dayandırsın, Ukrayna nüvəsiz və bloklara qoşulmamış statusunu qaytarsın, demilitarizasiya və denazifikasiya həyata keçirsin, həmçinin rusdilli vətəndaşların hüquqlarına hörmət etsin.

İnci
Sfera.az