Tayvanın yeni prezidenti: “Zorbalığı dayandırın\"

Tayvanın yeni prezidenti: “Zorbalığı dayandırın\

Tayvanın yeni prezidenti Lai Qingde bu gün prezident aparatının qarşısında ilk çıxışını edib. O, Çinə üz tutaraq rəsmi Pekini ölkəsini qorxutmağı dayandırmağa çağırıb. Qeyd edək ki, Çin Tayvan adasını öz ərazisi hesab edir.

 

Sfera.az xəbər verir ki, Tayvan prezidenti Lai Qingde andiçmə çıxışında Çindən hərbi və siyasi təhdidləri dayandırmasını istəyib. Rəsmi Pekin Laini separatçı hesab etməkdə davam edir.

 

"Mən həmçinin Çini Tayvanı siyasi və hərbi zorakılığa dayandırmağa, Tayvanın qlobal məsuliyyətini öz üzərimə götürməyə və müharibənin başlamaması üçün Tayvan boğazında və bölgədə sülh və sabitliyin qorunması üçün çox çalışmaq istəyirəm"- deyə yeni prezident çıxışında bildirib.

 

O, həmçinin bütün dünyaya səslənərək: 

 

“Tayvan demokratiya və azadlıq məsələlərində heç bir güzəştə getmir”- deyə qeyd edibx 

 

"Sülh yeganə seçimdir və rifah bizim uzunmüddətli sülh və sabitlik üçün hədəfimizdir"-deyə Tayvanın yeni prezidenti çıxışını yekunlaşdırıb.

 

Çin Xarici İşlər Nazirliyi Lainin andiçmə mərasimini şərh edərkən, Tayvanın müstəqilliyinin “dalan nöqtə” olduğunu və hansı bayraq altında olmasından asılı olmayaraq, Tayvanın müstəqilliyinin iflasa məhkum olduğunu bildirib.

 

Qeyd edək ki, Çin dəfələrlə Laini yanvarda keçiriləcək seçkilər ərəfəsində müharibə riskini gözləyən separatçı adlandırıb.

 

İngilis adı Uilliam olan 64 yaşlı Lainin seçkilərdə qalib gəlməsindən sonra Tayvan ada yaxınlığında müntəzəm hava və donanma əməliyyatları da daxil olmaqla Çinin təzyiqi ilə üzləşib.


Tsai İnq-veni əvəz edən Lai isə qətiyyətlə: “insanlar təhlükəyə qarşı realist olmalı və Tayvan özünü müdafiə etmək əzmini nümayiş etdirməlidir” fikrindədir. 
Tayvan Müdafiə Nazirliyi bazar ertəsi Çinin son 24 saat ərzində gündəlik hesabatında, altı Çin təyyarəsinin Tayvan boğazının median xəttini keçdiyini bildirib.


Nazirliyin təqdim etdiyi xəritəyə görə, təyyarələrdən ən azı biri Tayvanın şimalındakı Keelunq liman şəhərinin 80 km-liyində uçduğunu qeyd edib. Son illərdə bu cür müdaxilələr getdikcə daha çox yayılmışdır.


Tayvan prezidentinin andiçmə mərasimində ABŞ rəsmiləri, Yaponiya, Almaniya və Kanada diplomatları, həmçinin Paraqvay prezidenti Santyaqo Penya kimi Tayvanla hələ də rəsmi diplomatik əlaqələr saxlayan 12 ölkənin bəzi rəhbərləri iştirak ediblər.

 

ABŞ dövlət katibi Antoni Blinken Laini təbrik edərək, Birləşmiş Ştatların onunla əməkdaşlığı səbirsizliklə gözlədiyini bildirib.

 

Lai mərasimdə prezidentlik səlahiyyətini simvolizə edən möhürləri, o cümlədən Çin Respublikasının möhürü və fəxri möhürü alıb. Bu möhürlər 1949-cu ildə Çin vətəndaş müharibəsində məğlub olduqdan sonra Tayvana qaçan respublika hökuməti tərəfindən buraya gətirilib.


Xatırladaq ki, ötən həftə Tayvan parlamentində deputatlar arasında genişmiqyaslı dava olub. Yeni seçilmiş prezidentin partiyası Demokratik Tərəqqi Partiyası (DPP) yanvar seçkilərində parlament çoxluğunu itirib. Nəticədə müxalifətin irəli sürdüyü parlament islahatları ilə bağlı iclas zalında münaqişə başlayıb. 

 

Aysel

Sfera.az


OXŞAR XƏBƏRLƏR

Kürdə dəhşətli hadisə: qayıq yandı, 10 nəfər xəsarət aldı - YENİLƏNDİ

Mingəçevirdə Kür çayında qayıqda yanğın olub.   Sfera.az-ın məlumatına görə, qayıqda hələ dəqiq məlum olmayan səbəblərdən yanğın olub.   H...

İki dəfə öldürüldü: Yoxa çıxan qadın beş il sonra sevgilisinin şkafında görünüb

1990-cı illərin ən müəmmalı itkin düşmüş şəxs işlərindən birinin mərkəzində olan Nataşa Rayanın öldüyü elan edilib.    Sfera.az bildirir ki, 40 ...

Avropa çempionatları tarixində ən erkən qol vuruldu

Almaniyada keçirilən futbol üzrə Avropa çempionatında turnirin ən erkən qolu vurulub.   Sfera.az xəbər verir ki, bu rekorda Albaniya millisinin yarım...

26 yaşlı kişini elektrik cərəyanı vurub öldürdü

Qazaxda 26 yaşlı kişini elektrik cərəyanı vuraraq öldürüb.   Sfera.az xəbər verir ki, hadisə Ağköynək kəndində qeydə alınıb.   Belə ki, 19...

İtaliyanın Baş naziri yaxın həftələrdə Çinə səfər edəcək

İtaliyanın Baş naziri Corca Meloni yaxın həftələrdə Çinə səfər edəcək.   Sfera.az xəbər verir ki, bu barədə o, Yeddilik Qrupu (G7) sammitinin sonunda...

Qəbələdə zəncirvari qəza: Turistlər həlak oldular

Qəbələdə zəncirvari yol-nəqliyyat hadisəsi baş verib, iki əcnəbi turist ölüb.   Sfera.az-ın məlumatına görə, hadisə bu gün axşam saatlarında Qəbələ-A...