Yaponiyada həkimlər Google-u klinikaları haqqında pis şərhlərə müdaxilə etmədiyi üçün məhkəməyə veriblər.

Sfera.az xəbər verir ki, 63 həkim cümə axşamı Tokio Rayon Məhkəməsində açdıqları iddiada ABŞ-nin texnologiya nəhəngindən cəmi 1,4 milyon Yapon Yeni təzminat tələb edib.

Həkimlər bildiri lər ki, xəstələrin şəxsi məlumatlarını məxfi saxlamaq öhdəliyi var, ona görə də Google Maps-də onlar haqqında yazılan mənfi şərhlərə cavab verə bilməzlər.

Adının açıqlanmasını istəməyən iddiaçı həkimlərdən biri Fransanın AFP xəbər agentliyinə "İnternetdə yazı yazanlar kimliklərini gizli saxlayaraq sizin haqqınızda hər şeyi deyə bilər. Mən özümü yumruq torbası kimi hiss edirəm", - deyib.

Həkimlər bildiriblər ki, məqsəd xəstələri sevindirmək deyil, onların sağlamlıq problemləri ilə peşəkarcasına məşğul olmaqdır.

Google Maps-in Yaponiyada geniş şəkildə istifadə edildiyinə diqqət çəkən həkimlər tətbiqin az qala “gündəlik həyatın əvəzolunmaz hissəsinə” çevrildiyini bildiriblər.

Həkimlərin hüquqşünaslarından Yuiçi Nakazava, "Şərhlər çox asanlıqla dərc olunur, lakin onların silinməsini təmin etmək olduqca çətindir. Bu, həkimlərin daim dəhşətli tənqidlərə məruz qalma qorxusu ilə iş görməsinə səbəb ola bilər" - deyib.
 

Vəkil bildirib ki, həkimlərin öz vəzifələrini layiqincə yerinə yetirməməsi son nəticədə cəmiyyətə ziyan vuracaq.

Nakazava həmçinin qeyd edib ki, bu, Yaponiyada mənfi onlayn rəylər üçün bir texnologiya şirkətini hədəf alan ilk sinif davasıdır.

Həkimlər Google Maps-də bəzi şərhlərin şirkət qaydalarına uyğun olaraq silindiyini desələr də, çox müraciət etdiklərini, lakin əksər qiymətləndirmələrlə bağlı heç bir addım atılmadığını bildiriblər.

Digər tərəfdən Google tərəfindən edilən açıqlamada tətbiqdə "yanlış və yanıldıcı məzmunun azaldılması istiqamətində iş aparıldığı" ifadə edilib.

İnci
Sfera.az