Türkiyədə zəlzələ baş verdi - Bu məktəblər bağlandı
09:15 / 18.04.2024
4806
Türkiyənin Tokat vilayətinin Sulusaray rayonunda 4,7 bal gücündə zəlzələ olub.
Sfera.az xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Zəlzələ yerin 9,97 km dərinliyində meydana gəlib.
Baş verən zəlzələyə görə Sulusaray, Artova və Yeşilyurt rayonlarında məktəblər bağlanıb.
Tokat valisinin sözlərinə görə, heç bir mənfi hadisə yaşanmasa da, təhlükəsizlik səbəbi ilə belə qərar verilib.
Tələfat və dağıntı barədə məlumat verilməyib.