"Titanik"in batmasından 122 il ötür

Amerikalı animator Jared Owen YouTube kanalında 1912-ci il aprelin 14-dən 15-nə keçən gecə Şimali Atlantikada batmış “Titanik” gəmisinin en kəsiyini göstərən 3D animasiyalı video yayımlayıb.

 

Xatırladaq ki, “Titanik” okean üzərində ilk və yeganə səyahəti zamanı aysberqlə toqquşaraq batan tarixin ən məşhur gəmisidir.

 

Sfera.az bildirir ki, videonun müəllifi 122 il əvvəl batmış laynerin ən kiçik detallarını canlandırıb. O, gəminin bütün 10 göyərtəsini göstərib. Qeyd edək ki, avstraliyalı milyarder Klayv Palmer məşhur gəmini təxminən bir milyard funt sterlinq dəyərində yenidən yaratmağı vəd edib. Məhz buna görə də, bu video Palmer üçün xüsusilə faydalı olacaqdır.

 

2027-ci ilə qədər hazır olacaq “Titanik II”, müasir naviqasiya və təhlükəsizlik sistemləri də daxil olmaqla, orijinal gəminin xüsusiyyətlərini yaxından təqlid edəcək.

 

Video müəllifi Owen “Titanik”i hələ də ən məşhur gəmi kimi olaraq təsvir edir.

 

"Titanik”in tikintisini bitirəndə o, dünyanın ən böyük gəmisi idi. Gəmi 100 il əvvəl layihələndirilib və tikilib. Bu o deməkdir ki, heç bir kompüter və ya 3D dizayn proqramı yox idi. Bütün bunlar əl ilə hazırlanıb. Mənə görə, bu, inanılmaz mühəndislik işi və bacarıqdır" - deyə müəllif bildirib.

 

Owen öz işində “National Geographic”, “Titanic Encyclopedia” istinad saytı və “Titanik”in Haynes Guide seriyası da daxil olmaqla çoxsaylı mənbələrə istinad etmişdir. Müəllif həmçinin “Titanik”i rəqəmsal şəkildə yenidən yaratmaq üçün 3D məzmun yaratma proqramı olan “Blender”dən istifadə edib.


Proqramda “Titanik”in bütün 10 göyərtəsi, o cümlədən gəminin xilasedici qayıqlarının çoxunun yerləşdiyi ən yuxarıdakı qayıq göyərtəsi dəqiq təsvir edilib.

 

Qayıq göyərtəsinin bir az altında A göyərtəsi olub. Onu gəzinti göyərtəsi də adlandırırlar və bu da yalnız birinci sinif sərnişinlər üçün nəzərdə tutulmuşdu. Gəminin bütünlükdə böyük hissəsini tutan gəzinti göyərtəsi səyahət və dəniz havasından həzz almaq üçün daha çox açıq yerdən ibarət idi.

 

Birbaşa ən aşağı hissədə mühərriklərin və qazanxanaların yerləşdiyi yuxarı göyərtə idi. Gəmi aysberqlə toqquşduqda ilk su altında qalan hissə bu hissə olub.


Owen gəmi dizaynının sirlərini, o cümlədən dördüncü və sonuncu qara uclu boru haqqında az məlum olan faktı da açıqlayıb.


"Yalnız üç boru istifadə olunur. Dördüncüsü estetika üçün əlavə edilmişdi. İnşaatçılar dördüncü boru ilə gəminin daha güclü görünə biləcəyini düşünürdülər, lakin dördüncü boru aşağıda havalandırma üçün faydalı idi"- deyir.

 

Digər maraqlı fakt odur ki, “Titanik”də əslində iki böyük pilləkən var idi və bunların hər ikisi yalnız birinci dərəcəli sərnişinlər üçün idi.

 

Mərkəzdə saatlı, bəzəkli oymadan palıd paneli olan böyük “ön”pilləkən, birinci və ikinci bacalar arasında isə "arxa" böyük pilləkən olub. 


Böyük pilləkənin yanında avarçəkmə maşını və mexaniki velosipedlər kimi dövrün ən müasir avadanlıqları olan idman zalı yerləşirdi. Gəmidə kortlar, türk hamamı, saç salonu və üzgüçülük hovuzu (tarixdə ilk dəfə) var idi.

 

“Titanik” Nyu-Yorka göndərilən 6-9 milyon arasında əşya daşıyırdı. 15 aprel 1912-ci ildə saat 2:20 radələrində gəmi aysberqlə toqquşduqdan təxminən iki saat 40 dəqiqə sonra batdıqda “Titanik”in bütün bu əşyaları daşıyan poçt hissəsi da itib.


Faciə nəticəsində gəmidə olan 2224 nəfərdən təxminən 1517-si həlak olub. Həlak onlardan 700-dən bir qədər çoxu üçüncü dərəcəli sərnişin idi.


“Titanik”in qalıqları hazırda Kanadanın Nyufaundlend sahillərindən təxminən 350 dəniz mili uzaqlıqda 3810 metr dərinlikdə yerləşir.

 

Xanım

Sfera.az


OXŞAR XƏBƏRLƏR