ABŞ-da Alabama ştatında 7 yaşlı Emuri Conson keçən ay 29 yaşında vəfat edən mərhum anası Karli Bordnerin baş daşı üçün limonad stendi açıb. 

Sfera.az bildirir ki, təşəbbüs ictimaiyyətin diqqətini cəlb edib və dərhal sosial mediada yayılıb .Bu hekayə viral olduqdan sonra bir neçə şirkət məzar daşının pulsuz quraşdırılmasını təklif edib.

Emuri limonadın bir fincanını 1 dollara satmağa başlayıb. Günün sonuna qədər qız 10 min dollara yaxın pul yığıb. Yanğınsöndürənlər, qonşular, tibb bacıları və polis əməkdaşı ona dəstək olmaq və içki almaq üçün stendin qarşısında növbəyə durub. 

Emuri: "Bir az limonad hazırlamaqla bu qədər insanı bir araya gətirə biləcəyini bilmirdim" - deyib. 

Bu hekayə gündəm olduqdan sonra məzar daşları düzəldən bir neçə şirkət ana üçün pulsuz baş daşı qoymağı təklif edib. Bundan əlavə, dəfn xərclərini ödəmək üçün “GoFundMe” xeyriyyə platformasında 4 min dollardan çox vəsait toplanıb.

Emurinin qazandığı pulun ailəsində  qalmasını təklif edirlər.

Nənə Cennifer Bordner isə heyrətini gizlədə bilmədiyini və xoşbəxtlikdən ağladığını deyib.

Qadın Facebook səhifəsində nəvəsi və qızının bir neçə fotosunu paylaşaraq: 

"Karlamıza göstərdiyiniz sevgiyə görə hamınıza təşəkkür edirəm. Rahat yat mənim mələyim" - yazıb.

Aysel

Sfera.az