90 yaşlı əkizlər bacılar, 1947-ci ildə valideynlərinin ölümündən sonra digər səkkiz bacılarından ayrılıblar. Onlar bir-birlərini də görmürlər. Keçən il keçirilən DNT testi sayəsində Andrea Lopez adlı qadınlardan biri gözlənilmədən bacısı Mauriliya Çavesin hələ də sağ olduğunu öyrənib.

Sfera.az bu inanılmaz hekayə haqqında yazır.
 

80 ildən artıqdır ki, əkiz bacılar həyatlarını ayrı-ayrılıqda qurublar: işləyib, evlənib, uşaqları olub. Daha sonra təqaüdə çıxan bacıların biri Veqasa, digəri Denverə köçüblər.
 

Emosional görüş zamanı bacılar sevincdən ağlayıblar.
 

"Kiçik bacım, daim səni görmək, yanımda olmağını çox istəyirdim. Səni görəndə çox sevindim. Heç nə edə bilmirəm, sadəcə ağlayıram və səni qucaqlayıram"- Lopez ispan dilində deyib.


Bacı həm də özünü dünyanın ən şanslı insanı kimi hiss etdiyini bildirib. O, bacısını bir daha görmək imkanının olacağını heç ağlına belə gətirməyib.
 

"Gözəl ailəm var, amma həqiqətən bacım üçün çox darıxırdım".

Demək olar ki, bütün həyatı boyu ayrı olmaqlarına baxmayaraq, bacılar arasında hələ də gülməli bir rəqabət qalıb. Onlar hələ də hansının ilk doğulduğu barədə mübahisə edirlər.

"Mən 6 dəqiqə böyüyəm”!-deyə Lopez təkid edir.

Yeri gəlmişkən, DNT testi sayəsində qadınlar hazırda 80-90 yaşlarında və sağ olan daha üç qardaş və bacısını da tapıblar. Yaşlarına baxmayaraq, onlar görüşmək və ünsiyyət qurmaq üçün ölkəni qarış-qarış gəzirlər.

Qardaşlardan biri Lopezi görmək üçün tezliklə Los-Ancelesdən Veqasa gəlib, dərhal da digər bacısının yanında qalmaq üçün Texasa gedib.

"Bu qədər illərdən sonra və belə bir yaşda bir-birimizi tapmağımız bir möcüzədir. Heç vaxt olmamaqdansa, belə yaxşıdır! İndi böyük ailəmiz yenidən bir araya gəldi”.

Aysel

Sfera.az