Qərb Ukrayna savaşından geri çəkilir? - "Ola bilsin, Ukrayna üçün..." + AÇIQLAMA 

Qərb Ukrayna savaşından geri çəkilir? -

ABŞ-nin Müharibə Araşdırmaları İnstitutu bildirib ki, Qərbin yardımlarında gecikmələr Ukraynanın artilleriya çatışmazlığını daha da gücləndirir. Qeyd olunub ki, bu, gələcəkdə Ukraynanın döyüşləri davam etdirməsinə mənfi təsir göstərə bilər:

 

“Qərbin Ukraynaya yardımının azalması özünü müdafiə etmək və Rusiyaya müqavimət göstərmək imkanlarını iflasa uğradacaq”.

 

Digər tərəfdən, Ukraynanın ABŞ-dəki səfiri Oksana Markarova fevralın 9-da “Bloomberg”ə müsahibəsində demişdi ki, Ukrayna ciddi raket çatışmazlığı ilə üzləşib. Onun fikrincə, Ukraynaya dəstəyi davam etdirməyin alternativi yoxdur. Həmçinin digər Qərb ölkələri, o cümlədən Almaniya da daha əvvəl tədarük imkanlarının tükəndiyini bildiriblər.

 

Baş verənlər fonunda, Qərb Ukrayna savaşından geri çəkilir?

 

Bununla bağlı Sfera.az-a açıqlama verən siyasi şərhçi Kənan Novruzov deyib ki, bu açıqlamalar heç də Qərb ölkələrinin silah anbarlarının boş qalması demək deyil:

 

“Ola bilsin, Ukrayna üçün nəzərdə tutulmuş resurslar azalır. Yaxın Şərqdə davam edən müharibənin və digər hadisələrin nəticəsində Qərbin, o cümlədən ABŞ-nin prioritetlərini dəyişməsi mümkündür. ABŞ artıq təkcə Ukraynaya yox, həm də İsrailə dəstək verməlidir. Üstəgəl, prezident seçkiləri yaxınlaşır. ABŞ-nin mövcud hakimiyyətinin seçki kampaniyası üçün xeyli vəsaitə ehtiyacı var. Əks-hücum əməliyyatları da gözləntiləri doğrultmadı. Belə bir şəraitdə Qərbin Ukraynaya dəstəyi azaltması təəccüblü olmamalıdır”.

 

Müsahibimiz bildirib ki, Qərbin, xüsusilə ABŞ-nin Ukraynaya dəstəyinin gələcəkdə artacağı gözlənilmir:

 

“Ən azından ABŞ-dəki prezident seçkilərinə qədər bu, belə olacaq. Amma dəstəyin səviyyəsində daha da azalma ola bilər. Ağ Evi maraqlandıran yalnız özünün Şərqi Avropa ilə bağlı siyasəti, bölgədə təsir gücünü saxlaması və Rusiyanın zəiflədilməsidir. Rəsmi Vaşinqton bunun üçün sadəcə Kiyevdən istifadə edir. İndi Ukrayna faktiki olaraq ABŞ-dən asılı vəziyyətə düşüb. ABŞ silah tədarükünü azaldıb- artırmaqla Ukraynaya istədiyini diktə edə bilər. Ukraynanın ABŞ-yə etiraz etməsi isə ağlabatan görünmür. Çünki bu halda Vaşinqton onsuz da azaltdığı silah dəstəyini tamamilə dayandıra bilər. Ukrayna indiki halda silahlardan qənaətlə istifadə etməyə məcburdur. Görünən odur ki, belə də edir”.

 

Günay


OXŞAR XƏBƏRLƏR

Kürdəmirdə ağır YOL QƏZASI - 3 ÖLÜ - ADLAR - YENİLƏNDİ

Kürdəmirdə ağır yol qəzasında ölənlərin və xəsarət alanın kimliyi məlum olub.   Sfera.az xəbər verir ki, qəzada rayonun Cəyli kənd sakinləri Xanalıye...

Ordubad, Babək və Şərur rayonlarında yanğınlar OLDU

Naxçıvan Muxtar Respublikasının Ordubad, Babək və Şərur rayonlarında yanğınlar olub.   Sfera.az xəbər verir ki, Muxtar Respublikanın Fövqəladə Hallar...

Məşhur aktirsa VƏFAT ETDİ - FOTO

Məşhur fransız aktrisa Anuk Eme 92 yaşında vəfat edib.   Sfera.az xarici mətbuata istinadən xəbər verir ki, bu barədə onun qızı sosial şəbəkədə məlum...

Türkiyədə zavodda yanğın BAŞLADI - YENİLƏNDİ

Türkiyənin İstanbul şəhərindəki Tuzla qəsəbəsində avtomobil ehtiyat hissələrini istehsal edən zavodda baş verən yanğın söndürülüb.   Sfera.az xəbər v...

“Fransa Azərbaycana qarşı çirkli təbliğat və dezinformasiya kampaniyası aparır” - BƏYANAT

“Fransa Azərbaycana qarşı çirkli təbliğat və dezinformasiya kampaniyası aparır”.   Sfera.az xəbər verir ki, bu barədə Müdafiə Nazirliyini...

Şəki rayonuna dolu düşüb - FAKTİKİ HAVA

İyunun 18-i saat 17:00-a olan məlumata əsasən əvvəlcədən xəbər verildiyi kimi, Şahbuz, Culfa, Ordubad, Daşkəsən, Qax, Xınalıq, Şəki, Qusar, Qrız, Şahdağ, Yardım...