Son zamanlar Ukraynaya ayrılan maddi yardımların dayandırılacağı barədə müzakirələr aktuallaşıb. Bu baxımdan, ABŞ-nin Kiyevə dəstəyini dayandırması ehtimalı dünya mediasının gündəmindədir.

Sfera.az bildirir ki, bu barədə Ağ Ev rəhbəri Co Bayden açıqlama verib. O, bununla bağlı xüsusi müraciət edib. 

“Vaşinqton maliyyə yardımı etməsə, digər müttəfiqlərin də Ukraynaya dəstək verəcəyi sual altına düşəcək”, deyə Bayden öz narahatlığını dilə gətirib.

“Bütün dünya ABŞ-nin nə edəcəyini izləyir. Biz Ukraynanı dəstəkləməsək, dünyanın qalan hissəsi nə edəcək? Yaponiya nə edəcək? G7? NATO müttəfiqlərimiz kontekstində nə baş verəcək?”, deyə Ağ Ev rəhbəri sual edib.

Qeyd edək ki, ABŞ Konqresi oktyabrın 25-də Nümayəndələr Palatasının yeni sədri Mayk Consonun seçilməsindən sonra Kiyev rejiminə vahid yardım paketi ilə bağlı razılığa gəlməyib. Çexiya artıq öz təhlükəsizliyinə təhdid olduğuna görə Ukraynaya silah tədarükünü dayandırıb. Slovakiya hakimiyyəti də oxşar qərar qəbul edib.

Günay