Çində sürətlə yayılan yeni virus Avropaya da çatıb.

Sfera.az bildirir ki, Hollandiyanın Utrext şəhərinin səhiyyə rəsmiləri uşaqlar arasında xəstəlik nisbətlərinin artması barədə xəbərdarlıq ediblər.

Hollandiya Sağlamlıq Araşdırmaları İnstitutu gözləniləndən daha çox xəstə qeydə alıb. Yoluxanların əsas hissəsi isə 5-14 yaş arası uşaqlardır.

Mövcud məlumatlara görə, təxminən hər 100 min uşaqdan 103-nə bu diaqnoz qoyulur.

Reading Universitetinin professoru İan Consun sözlərinə görə, bu, Çindəki xəstəliklərlə eyni vaxtda baş verən yerli mövsümi epidemiya da ola bilər.

Xatırladaq ki, yeni virus səbəbindən Pekindəki xəstəxanalar pnevmoniya diaqnozu qoyulan xəstələrlə doludur. Beynəlxalq Yoluxucu Xəstəliklər Cəmiyyəti (ProMED) artıq naməlum ştammın yayılmasını epidemiya kimi təsnif edib.İnfeksion xəstəliklər üzrə mütəxəssis Nil Stoun qeyd edir ki, xəstələnən bəzi insanlarda heç bir simptom, hətta öskürək belə olmur.Ümumdünya Səhiyyə Təşkilatı yeni virus haqqında məlumatlı olduğunu təsdiqləyib və epidemiya haqqında Çindən ətraflı məlumat tələb edib.ÜST nümayəndələri Çin sakinlərinə riski azaltmaq üçün profilaktik tədbirlərə riayət etməyi tövsiyə edib.

Aynil Camal