Putin yenidən Qərbi GÜNAHLANDIRDI: “Ukraynanı “intihara” sürükləyirlər”

“Qərb dövlətləri Ukraynanı müstəmləkəyə çevirib”.

Sfera.az bildirir ki, bunu Rusiya prezidenti Vladimir Putin deyib. O, fikirlərini bu cür davam etdirib:

“Bir neçə ildir ki, Qərb həyasızcasına Ukraynanın resurslarını mənimsəyib, Donbassda soyqırım və terroru təşviq edib. Onlar faktiki olaraq bu ölkəni müstəmləkəyə çevirib. İndi də ukraynalılardan Rusiyaya qarşı top yemi, taran kimi istifadə edirlər. Ukraynanı silah və sursatla təmin etməyə davam etmək, muzdlular göndərmək isə onu intihar yoluna sürükləyir”.

Putin qeyd edib ki, ABŞ nəyin bahasına olursa-olsun, dünyada öz hökmranlığını saxlamaq istəyir və Ukraynada baş verən hadisələr bunun dəhşətli nəticələrini əks etdirir.

Günay Rəsulqızı