Atom Enerjisi üzrə Beynəlxalq Agentliyin (AEBA) Qəyyumlar Şurasında İranla bağlı qətnamə səs çoxluğu ilə qəbul edilib.

Sfera.az xəbər verir ki, iyunun 8-də qəbul edilən sənəddə İranın atom anlaşmasına əməl etməməsi və Beynəlxalq Ajansla əməkdaşlıqdan yayınması pislənilir. 

Qətnamədə eyni zamanda, İran hökuməti gizli saxladığı 3 nüvə obyektində aşkarlanmış uran izləri ilə bağlı açıqlama verməməkdə ittiham olunub.

Məlumata görə, qətnamənin lehinə 30 ölkə, əleyhinə Çin və Rusiya səs verib, Hindistan, Pakistan və Liviya isə bitərəf qalıblar.

Turan Rzayev    
Sfera.az