Dünya ölkələri COVID-19-a qarşı mübarizə apardığı halda Ermənistan yenə də təcavüzkar niyyətindən əl çəkmir

Dünya ölkələri COVID-19-a qarşı mübarizə apardığı halda Ermənistan yenə də təcavüzkar niyyətindən əl çəkmir
 İyulun 12-də Ermənistan silahlı qüvvələri atəşkəs rejimini kobud şəkildə pozaraq Azərbaycan Ordusunun bölmələrinə qarşı növbəti təxribat törədiblər. Düşmənin məqsədi artilleriyadan istifadə etməklə Tovuz rayonu istiqamətindəki mövqelərimizi ələ keçirmək, həmçinin canlı qüvvəyə və hərbi texnikaya zərər yetirmək olub. Ordumuzun həyata keçirdiyi əks-tədbirlər nəticəsində düşmən layiqli cavabını alaraq geri oturdulub. Düşmən ordusu canlı qüvvə və hərbi texnika sarıdan itki verərək mövqelərinə çəkilib. Beləliklə, Ermənistan tərəfinin ərazi əldə etmək niyyəti baş tutmayıb. Təxribat aktının törədilməsi Ermənistanın baş naziri Nikol Paşinyanın ölkəsində yaranmış sosial-iqtisadi problemlər fonunda vəziyyəti gərginləşdirmək məqsədi daşıyır.

Sfera.az xəbər verir ki, bu fikirləri azərtac-a açıqlamasında Milli Məclisin deputatı Elnur Allahverdiyev bildirib.

Deputat deyib ki, dünya ölkələri COVID-19-a qarşı mübarizə apardığı halda Ermənistan yenə də öz təcavüzkar niyyətindən əl çəkmir. Düşmənin növbəti təxribat əməli bir daha onu göstərir ki, Ermənistan və onun rəhbərliyi demokratiya pərdəsi altında gizlənərək nəinki regiona, bütün dünyaya, bəşəriyyətə təhlükə yaradırlar. Bu, onu bir daha sübut edir ki, Ermənistanın BMT Baş katibinin COVID-19 ilə əlaqədar qlobal atəşkəs təşəbbüsünü dəstəkləməsi ikiüzlülükdür: "Biz çox məkrli və hiyləgər bir düşmənlə üz-üzəyik. Ermənistan Azərbaycanla sərhəddə bu təxribatı törətməklə həm Kollektiv Təhlükəsizlik Müqaviləsi Təşkilatını bu münaqişəyə cəlb etmək, həm də diqqəti daxildəki qarşıdurmadan yayındırmaq istəyir. Paşinyan xalq arasında dayaqlarını sürətlə itirdiyindən bu təxribatı sanksiyalaşdıra bilər. Hazırda Ermənistanda vəziyyət kritik həddə çatıb. Koronavirus pandemiyası ilə əlaqədar ölkədə ciddi böhran yaşanır. Bir tərəfdən hakimiyyətə etimadsızlıq, digər tərəfdən ciddi sosial-iqtisadi problemlər, korrupsiya, insan hüquq və azadlıqlarının boğulması, azad sözə qarşı repressiyaların tətbiq edilməsi Paşinyan hakimiyyətini çox mürəkkəb duruma salıb. Müxalifətdə ölkə rəhbərliyinə qarşı vahid cəbhə yaranıb”.

Deputat bildirib ki, düşmənin Tovuz rayonundakı növbəti təxribatı Paşinyan hökumətinin Ermənistan-Azərbaycan Dağlıq Qarabağ münaqişəsinin danışıqlar yolu ilə həllində maraqlı olmamasını bir daha göstərir. Azərbaycanlıları öz dədə-baba torpaqlarından didərgin salan və bu torpaqları həyasızcasına özününkü hesab edən Ermənistanın bu hərəkətinə beynəlxalq ictimaiyyət münasibət bildirməlidir. Otuz ilə yaxındır ki, Azərbaycana qarşı işğalçılıq siyasəti yürüdən Ermənistan beynəlxalq birlik qarşısında cavab verməlidir: "BMT Təhlükəsizlik Şurasının Dağlıq Qarabağ münaqişəsi ilə bağlı qətnamələri hələ də kağız üzərində qalır. Təcavüzkar Ermənistan BMT-nin qəbul etdiyi 4 qətnaməni heçə sayır. İşğal olunmuş Azərbaycan torpaqları – Dağlıq Qarabağ və ətraf 7 rayon qətnamənin tələblərinə uyğun olaraq qeyd-şərtsiz boşaldılmalıdır. Görünür ki, Ermənistan ordusu 2016-cı ildəki Aprel döyüşlərini yaddan çıxarıb və həmin günləri yenidən yaşamaq istəyir. Azərbaycan Ordusu düşmənlə döyüşə hər an hazırdır və biz işğalçıya öz gücümüzü göstərəcəyik!”, - deyə Elnur Allahverdiyev vurğulayıb.

OXŞAR XƏBƏRLƏR

Deputat: “Pandemiya sosial layihələrin icrasını ləngitməyib”

 "Koronavirus pandemiyası başqa ölkələrin iqtisadiyyatına olduğu kimi, Azərbaycan iqtisadiyyatına da təsirsiz ötüşməyib. Amma buna baxmayaraq ölkəmizdə əvv...

Baş nazir təcili iclas keçirdi: Koronavirusla bağlı yeni tapşırıqlar verildi

 Bu gün Azərbaycan Respublikasının Prezidenti İlham Əliyevin tapşırığı ilə Nazirlər Kabineti yanında Operativ Qərargah xüsusi karantin rejiminə nəzarətin g...

Prezident İlham Əliyev Sinqapurun dövlət başçısını təbrik edib

 Prezident İlham Əliyev Sinqapur Respublikasının Prezidenti Həlimə Yaquba təbrik məktubu göndərib. Sfera.az xəbər verir ki, təbrikdə deyilir: "...

Türkiyə-Azərbaycan hərbi təlimlərinin yeni görüntüləri - VİDEO

 Türkiyənin Milli Müdafiə Nazirliyi Türkiyə-Azərbaycan hərbi təlimləri ilə bağlı paylaşım edib. Sfera.az xəbər verir ki, bu barədə video nazirliyin r...

Elnur Allahverdiyev seçicilərinə hesabat verdi - FOTO

 Milli Məclisin 17 saylı Yasamal üçüncü seçki dairəsindən deputatı, İqtisadi siyasət, sənaye və sahibkarlıq komitəsinin üzvü Elnur Allahverdiyev seçiciləri...

Ermənistan Türkiyənin daxili işlərinə qarışmaq niyyətini gizlətmir

 "Dağlıq Qarabağ münaqişəsi və regional proseslər fonunda Türkiyənin etdiyi təxribatlara cavab kimi Ermənistan Türkiyənin daxili proseslərinə düşünərək qar...