No Image
No Image

COVİD-19 Azərbaycandakı yoxsulların sayını artırıb, orta təbəqə isə... – Dünya Bankının rəqəmləri nə deyir?

COVİD-19 Azərbaycandakı yoxsulların sayını artırıb, orta təbəqə isə... – Dünya Bankının rəqəmləri nə deyir?
"”Pew Research Center” ekspertləri Dünya Bankının məlumatları əsasında COVİD-19 pandemiyasının əhalinin gəlirlərinə təsirini qiymətləndiriblər. Araşdırmaya görə, pandemiya nəticəsində dünya üzrə orta sinfin sayı azalıb, yoxsulluq artıb”.

Sfera.az xəbər verir ki, bunu iqtisadçı-ekspert Samir Əliyev deyib. İqtisadçının sözlərinə görə, 2020-ci ildə dünya üzrə orta sinfin sayı proqnozlaşdırılandan 54 milyon nəfər az, yoxsulların sayı isə 131 milyon nəfər çox olub:

"Məsələ ondadır ki, 2011-2019-cu ildə dünya üzrə orta sinfin sayının orta illik artımı 54 milyon nəfər olduğu halda, 2020-ci ildə bu, baş verməyib və prosesin belə davam edəcəyi təqdirdə vəziyyətin daha acınacaqlı olacağı güman edilir. 
 
Araşdırma üzə çıxarıb ki, pandemiyaya qədər dünyada yoxsul əhalinin payı 8,7% olduğu halda, hazırda 10,4%-ə yüksəlib. Bu müddətdə orta gəlirli əhalinin payı 17,8%-dən 17,1%-ə, yüksək gəlirli əhalinin payı isə 7,6%-dən 6,8%-ə düşüb”.

S.Əliyev qeyd edib ki,   "Pew Research Center” əhalinin gəlir qrupu üzrə pandemiyanın vurduğu zərəri bu cür təsnifləşdirib:

- Yoxsullar (gündəlik qazanc $2-a qədər) – 131 milyon nəfər artıb.

- Aşağı gəlirli (gündəlik qazanc $2-$10) – 21 milyon nəfər azalıb.

- Orta sinif (gündəlik qazanc $10-$20) - 54 milyon nəfər azalıb.

- Gəliri orta səviyyədən yuxarı olanlar (gündəlik qazanc $20-$50) - 36 milyon nəfər azalıb.

- Yüksək gəlirli (gündəlik qazanc $50-dan çox) - 62 milyon nəfər azalıb.

Dünya Bankının hesablamasına görə, Azərbaycanda orta sinfin payı devalvasiyadan əvvəl 20%-dən çox olub. Həm devalvasiyanı, həm də pandemiyanı nəzərə alsaq, hazırda bu göstəricinin əhəmiyyətli dərəcədə aşağı düşdüyünü güman etmək olar”.
 
Günay
 

Turan Bank

OXŞAR XƏBƏRLƏR

Beynəlxalq Valyuta Fondundan Azərbaycanla bağlı proqnoz: Pul kütləsində yeni rekord səviyyə...

Beynəlxalq Valyuta Fondu (BVF) Azərbaycanda geniş mənada pul kütləsinin bu ilin sonunda 31,11 milyard manata yüksələcəyini proqnozlaşdırır. BVF-nin gözləntiləri...

Bu evlərin kirayəsi 2-3 dəfə BAHALAŞACAQ

Təhsildə yenidən distant formaya keçid kirayə bazarında aktivliyə mənfi təsir göstərib, qiymətlər 2020-ci ildəki səviyyə qayıdıb.    Sfera.az sa...

“Qiymət təlatümləri baş verəcək” - Bahalaşmanın qarşısı necə alına bilər?

Son aylarda xarici bazarlarda baş verən bahalaşmanın Azərbaycana təsirləri göstərdi ki, yerli xammala əsaslanan istehsal sahələri qiymət artımlarına qarşı daha ...

Ukraynada müharibə olarsa, neft yenidən ucuzlaşacaq - ŞƏRH

Ukrayna ətrafında hərbi-siyasi gərginliyin artması neft qiymətlərinin yenindən kəskin enməsinə səbəb ola bilər. Son günlər Rusiyanın Ukraynanın şərq sərhədlər...

Kölgə iqtisadiyyatını kiçiltməklə büdcənin gəlirlərini nə qədər artırmaq olar? - RƏQƏMLƏR

2021-ci ilin birinci rübündə dövlət büdcəsinin və Dövlət Sosial Müdafiə Fondunun (DSMF) məcburi dövlət sosial sığorta üzrə gəlirləri proqnozdan xeyli artıq olub...

İşsizlik, qiymət artımı, böhran... – Ekspert prosesin nə qədər davam edəcəyini açıqladı

Pandemiya dövründə işsizliklə bərabər, əhalini narahat edən əsasə məsələlərdən biri də qiymət artımıdır. Son aylar xüsusilə yerli bazarda ərzaq və qeyri-ərzaq...