Şolts Ukraynaya böyük hərbi yardımın qarşısını aldı - MƏBLƏĞ

Almaniya kansleri Olaf Şolts Ukraynaya 3 milyard avro dəyərində yeni hərbi yardım paketinin qarşısını alıb.

Sfera.az xəbər verir ki, bu haqda Almaniyanın “Der Spiegel” nəşri yazıb. Nəşr yazır ki, hərbi yardım paketini xarici işlər naziri Annalena Berbok və müdafiə naziri Boris Pistorius hazırlayıb.

Paketə IRIS-T hava hücumundan müdafiə raket sistemləri, təkərli haubitsalar və artilleriya sursatlarının çatdırılması daxildir. Almaniyanın hökumət üzvləri Ukraynada vəziyyətin pisləşməsi ilə əlaqədar Ukrayna Silahlı Qüvvələrinə yardım göstərilməsinə çağırır. Onlar paketin fevralın 23-dək təsdiqlənəcəyini gözləyirlər.

“Der Spiegel” yazır ki, vəziyyətin ağırlaşmasına baxmayaraq, Şolts Berbok və Pistoriusun təklifini dəstəkləməyib. Məlumata görə, Almaniya hökuməti 2025-ci ildə Ukraynaya dəstək üçün təxminən 4 milyard avro ayırmağı planlaşdırır. Maraqlıdır ki, hökumət üzvləri bu yardımın 3 milyard avroluq hissəsini Donald Trampın yanvarın 20-də keçiriləcək andiçmə mərasiminə qədər ayrılmasında israr ediblər.

Vasif

Sfera.az