Nəcməddin Sadıkova hər sifarişdən nə qədər pul çatıb?

Nəcməddin Sadıkova hər sifarişdən nə qədər pul çatıb?

Müdafiə Nazirliyində 143 milyon manatlıq mənimsəmədə faktı ilə bağlı məhkəmə araşdırması davam edir.

 

Sfera.az-ın məlumatına görə, iş üzrə ittiham olunanlardan biri də nazirliyin Mənzil-İstismar İdarəsinin rəisi  polkovnik Fikrət Mirzəyevdir.

 

Polkovnik Mirəzəyev bir qrup şəxslə əlbir olaraq ümumilikdə mənimsəmədə ittiham olunur. 

 

F.Mirzəyev mənimsənilən 3 milyon 380 min manatın yalnız 111 min manatının ona aid olduğunu iddia edib.

 

Bakı Hərbi Məhkəməsində hakim Camal Ramazanovun sədrliyi ilə keçirilən iclasda Müdafiə Nazirliyinin Maliyyə İdarəsinin sabiq rəisi, general Nizami Məmmədov və Əsaslı təmir bölməsinin rəisi Rəhim Laçınov şahid qismində ifadə verib.

 

Generalın deyib ki, təqsirləndirilən şəxslə istintaq dövründə üzləşmə keçirilib. Həmin vaxt Mirzəyev şirkətlərin nağd şəkildə qaytardığı 369 min manatı ona verdiyini bildirib:

 

“Fikrət Mirzəyev mənim tabeliyimdə olmayıb. Maliyyə Nazirliyi Mənzil-İstismar Sahəsi üçün vəsaiti Müdafiə Nazirliyinin Maliyyə İdarəsinə köçürmürdü. Həmin idarə belə desək ayrıca hərbi-hissə idi. Ona görə də birbaşa sifarişlər edə bilirdilər. Mənə 369 min manat pul verilməyib”.

 

Fikrət Mirzəyev generalın ifadəsinə düzəliş edərək qeyd edib ki, 2019-cu ilə kimi işlədiyi idarəyə vəsaiti Müdafiə Nazirliyinin Maliyyə-Büdcə İdarəsi köçürüb, ondan sonra Maliyyə Nazirliyinə həvalə edilib:

 

“İstintaq dövründə verdiyim ifadəyə gəldikdə isə əvvəlki mövqeyimdəyəm. Nizami Məmmədovun sözündən elə çıxır ki, mən onun əleyhinə ifadə vermişəm. Biz kişi şalvarı geyinirik, kiməsə böhtan atmaq yaraşmaz”.

 

Məhkəmə tərkibinə daxil olan hakimlərdən biri şahidə büdcədən ayrılan pulların gələcək taleyi ilə bağlı sual verib:

 

“Bəs bu ayrılan pulların necə xərcləndiyinə, yeyilib-yeyilmədiyinə kim nəzarət edirdi?”

 

Nizami Məmmədov cavabında “biz smetaya uyğun pul köçürürdük. Sonradan həmin pulların hara xərclənirdi, düz istifadə olunurdu ya yox onu bilmirəm. Bu işlərə nəzarət edən ayrıca idarə var idi”.

 

Prosesin davamında Müdafiə Nazirliyinin Mənzil-İstismar İdarəsinin Əsaslı təmir idarəsinin rəisi Rəhim Laçınov ifadə verib.

 

Şahid deyib ki, qiymətlərin şişirdilməsindən əldə olunan pulları toplayaraq Fikrət Mirzəyevə verib:

 

“Müəyyən şeylər var idi ki, təyinatı bəlli deyildi. Göstəriş belə idi ki, şirkətlərin qaytardığı pulları Fikrət Mirzəyevə çatdırım. Amma nə qədər rəqəm olduğunu bilmirəm. Söhbət əsnasında eşitmişdim ki, qaytarılan pulların bir hissəsində general Nizami Məmmədova çatır”.

 

Prokuror Valeh Mehrəliyev şahiddən şirkətlərə köçürülən pulların nağdlaşdırılıb kimə qaytarıldığını soruşub.


 
Şahid deyib ki, o, ancaq Fikrət Mirzəyevə pul verib. Başqa kimlərə faiz çatdığından xəbərsiz olub.

 

Prokuroru maraqlandıran digər məsələ isə şirlətlərin qayrardığı pulların necə bölünməsi olub:

 

“Hərbi təminatların alınması qiymətlər şişirdilirdi. Qazanılan pul isə geri qaytarılırdı. Tutaq ki, 100 manat qaytarılıb, bu pul necə ödənilirdi?”

 

Şahid sualdan da yayınadaq, bu məsələdən Fikrət Mirzəyevin məlumatlı olduğunu deyib.

 

Hakim şahidin istintaqa verdiyi ifadəsinə istinad edərək sabiq baş qərargah rəisi Nəcməddin Sadıkova hər sifarişdən nə qədər pul çatdığını soruşub:

 

“İfadənizdə yazırsız ki, şirkətlərin qaytardığı pullardan 15 faiz Nəcməddin Sadıkova, 3 faiz Nizami Məmmədova, 3 faiz isə Fikrət Mirzəyevə çatıb. Bu barədə nə deyə bilərsiz?”.

 

Şahid həmin sözləri Fikrət Mirzəyevin izahatına əsasən yazdığını bildirib. Mirzəyev deyib ki, Mirzəyevin izahatı onun qarşısında olub, o nə yazıbsa həmin şeyləri öz izahatına köçürüb:

 

“Gördüm orda konkret rəqəmlər yazılıb, məndə öz izahatıma köçürdüm. Sadıkova 15 faiz Məmmədova 3 faiz çatmasını da Fikrət Mirzəyevin ifadəsinə əsasən yazmışam”.

 

Şahidə sonuncu sualı isə hakim Rafiq Abbasov verib.

 

Hakim şahiddən bütün bu işlərdə özünə nə qədər pul çatdığı soruşub.

 

“Şirkətlər mənə qonaqlıq verirdilər. (gülümsəyir)”, -deyə şahid cavab verib. 

 

Qeyd edək ki, Qeyd edək ki, 2022-ci ilin əvvəlində Dövlət Təhkükəsizliyi Xidməti Müdafiə Nazirliyində qanun pozuntuları ilə bağlı əməliyyat keçirib. 

 

Fikrət Mirzəyev və digərlərinə qarşı Cinayət Məcəlləsinin 179.4-cü (xüsusilə külli miqdarda mənimsəmə) maddəsi ilə ittiham irəli sürülüb.


OXŞAR XƏBƏRLƏR

Bakıda SİLAHLI İNSİDENT: 3 polis QƏTLƏ YETİRİLDİ - FOTO

Bakıda 3 polis əməkdaşı, 1 mülki şəxs qətlə yetirilib.   Bu barədə Sfera.az-a Daxili İşlər Nazirliyinin Mətbuat xidmətinin rəisi Elşad Hacıyev məluma...

Rəqəmlər ADY-ni "Yenə də iki"yə aparır... - TƏHLİL

  Aprelin sonunda “Azərbaycan Dəmir Yolları” QSC (ADY) Bakı-Tbilisi-Qars (BTQ) dəmir yolu xəttinin Gürcüstandan keçən 184 kilometrlik hiss...

MN-də təlim-metodiki toplanış keçirildi - VİDEO

Müdafiə Nazirliyinin (MN) Maddi-Texniki Təminat Baş İdarəsinin Mərkəzi Əşya Bazasında qoşun növü, birlik, birləşmə və hərbi hissələrin yanğından mühafizə xidmət...

Bu gün Xankəndi Şəhər Prokurorluğunun binası istifadəyə veriləcək

Xankəndi Şəhər Prokurorluğunun inzibati binasının istifadəyə verilməsi ilə əlaqədar təntənəli tədbir keçirilir.   Bu barədə Sfera.az-a Baş Prokurorlu...

Dağıstanda terakt: 10 nəfər öldü, 37 yaralı var

Mahaçqala və Dərbənddə baş verən hücumlar nəticəsində ölənlərin sayı artıb.   Ölənlərin sayı 10-a, yaralıların sayı isə 34-ə çatıb.   Sfer...

Azərbaycanda torpaq sürüşməsi: təhlükəli vəziyyət yarandı - FOTOLAR

İsmayıllının Qoydan kəndində torpaq sürüşməsi olub.   Sfera.az report.az-a istinadən xəbər verir ki, torpaq sürüşməsi nəticəsində...