Metro ilə daşınan sərnişinlərin sayı 138 milyonu ötüb 

Bu il Bakıda metro ilə daşınan sərnişinlərin sayında artım olsa da, hələ də 2019-cu ildəki nəticəni təkrarlamaq mümkün olmayıb. 

Sfera.az xəbər verir ki, ilk 8 ayda metro ilə daşınan sərnişinlərin sayı 7,9 faiz artaraq 138,4 milyon nəfərə çatıb. 2019-cu ilin eyni dövründə daşınan sərnişinlərin sayı isə 150,3 milyon nəfər olub. 

Bu il hər gün orta hesabla 577 min, 2019-cu ildə 626 min sərnişin daşınıb. 

Qeyd edək ki, metro ilə sərnişin daşınmasının sayı 2019-cu ildə son 30 ilin ən yüksək səviyyəsinə çatıb. 2020-ci ildə karantinin tətbiqindən sonra metrodan istifadə edənlərin sayı kəskin şəkildə azaldı. Sərnişinlərin sayında artım 2021-ci ildə qismən, 2022-ci ildə isə kəskin şəkildə artdı.

2023-cü ildə də artım davam edir, amma hələ 2019-cu ildəki nəticəni təkrarlamaq mümkün olmayıb.

Vasif