“Birinin kişiliyi çatırsa, desin mən eləmişəm…” – Novruz Məmmədov nəvəsinin toyundan danışdı

“Birinin kişiliyi çatırsa, desin mən eləmişəm…” – Novruz Məmmədov nəvəsinin toyundan danışdı
Xəbər verdiyimiz kimi, keçmiş Baş nazir Novruz Məmmədovun nəvəsi Qasımın kiçik toyu olub.

Çoxdandır görünməyən N.Məmmədovun nəvəsinin kiçik toyundan görüntülərinin yayılması müzakirələrə səbəb olub. Kiçik toy məclisi Bakıda bahalı restoranlardan birində keçirilib.

Sfera.az xəbər verir ki, keçmiş Baş nazir Novruz Məmmədov müzakirələrə səbəb olan nəvəsinin toyundakı görüntülərlə bağlı Manset.az-a müsahibə verib. O bununla bağlı sərt açıqlama verərək həmin kadrların ondan xəbərsiz çəkildiyini bildirib.

– Novruz müəllim, həmin görüntüləri kim lentə alıb?

– Mən bilmirəm o gürüntüləri kim yayıb. Nəvəmin kiçik toyudur, məni də qızımgil dəvət edib, getmişəm. O görüntüləri kim yayır, kim bu barədə danışır, o adamların ürəyinə dərd düşsün, cəzasını çəksinlər. Getmişəm, yaxşı eləmişəm, nəvəmdir, mən eləməmişəm o toyu, qızımgil ediblər, mən də getmişəm. Hansısa alçaq çəkib bunu ötürüb. Şəxsiyyətsizlər də başlayıb müzakirə etməyə. Mən heç maraqlanmıram da bunu yayanlar kimdir, kim paylaşıb?

– Novruz müəllim ola bilərmi bunu sizi  istəməyənlər qəsdən yayıb?

– Yox, ola bilməz, bunu məclisdə iştirak edən adamlardan yayıblar. Mənim heç kimə pisliyim keçməyib. Onlar da məclisi əvvəlcə keçirib, sonra pulunu ödəyəcəkdilər. Belə şərt olub ki, dedilər camaat gəlib getsin, pul yığılsın, sonra ödəyərik. Həmin adamlarla qızımgil yaxındır.

– Bəs bu hansısa məmurun sifarişi ola bilərmi?

– Yox, o ola bilməz, inanmıram. Mən öz nəvəmin toyunda iştirak edə bilmərəm? Bizim insanlar hazırda müzakirə etmək üçün mövzu axtarır, cəhhənnəmə axtarsınlar. Tüpürüm bunların hamısına, kim ola bilər, deyə bilmərəm. Kim nə istəyir eləsin. Birinin kişiliyi varsa, desin mən eləmişəm.
 

OXŞAR XƏBƏRLƏR

Tramp İrana təşəkkürünü bildirib

ABŞ Prezidenti Donald Tramp İranı Qətərdəki aviabazaya planlaşdırılan hücum barədə vaxtında xəbərdarlıq etdiyinə görə təşəkkür edib.   Sfera.az xəbər...

Rusiyada ayı hücumu: Ölənlər yaralananlar var

Rusiyanın Yujno-Saxalinsk bölgəsində meşəçilər meşə massivində dörd nəfərə hücum edən ayını axtarırlar.   Sfera.az-ın xəbərinə görə, bu barədə ASTV t...

Ərinin qoyduğu qanunlara görə uşaqları ilə birlikdə çayda boğulan kraliça

1960-cı ildə Taylandda yaşayan Kraliça Sunandha 19 yaşında iki uşaq dünyaya gətirərək ana olub.    Sfera.az bu dəfə həyat yoldaşı və onun qoyduğ...

Ərdoğan Niderlanda gedir - NATO zirvəsində iştirak edəcək

Türkiyə Prezidenti Rəcəb Tayyib Ərdoğan sabah Niderlanda gedəcək.   Sfera.az xəbər verir ki, bu barədə Türkiyə Prezident Adminmistrasiyasının İctimai...

Milyonlardan imtina edirlər: Ailənin satmaq istəmədiyi evdə nə gizlənir?

Milyonları rədd edən bir ailənin malikanəsində gözlənilməz tapıntı insanları heyrətə gətirib.   Sfera.az bildirir ki, Sidneyin ətrafında yerləşən Zammi...

Bakıdan uçan bir sıra reyslərin marşrutu dəyişdi

Yaxın şərq ölkələrinin hava məkanında tətbiq edilən müvəqqəti məhdudiyyətlər səbəbindən, 23 iyun 2025-ci il tarixində Heydər Əliyev Beynəlxalq Aeroportundan hav...