Bu şəxslər dövlət hesabına təhsil alacaqlar - Rəsmi

Bu şəxslər dövlət hesabına təhsil alacaqlar - Rəsmi
 Təhsil Nazirliyi "Ali təhsil müəssisələrində və magistratura səviyyəsi üzrə Azərbaycan Milli Elmlər Akademiyasında yeni maliyyələşmə mexanizminin tətbiq edilməsi haqqında” Azərbaycan Respublikası Nazirlər Kabinetinin 2010-cu il 25 iyun tarixli 120 nömrəli Qərarında dəyişiklik edilməsi barədə” Azərbaycan Respublikası Nazirlər Kabinetinin Qərarına dair şərh verib.

Sfera.az xəbər verir ki, Nazirliyin İctimaiyyətlə əlaqələr sektorunun müdiri Cəsarət Valehov bildirib ki, Azərbaycan Respublikası Prezidentinin 2020-ci il 17 aprel tarixli 996 nömrəli Fərmanı ilə ali təhsil müəssisələrinin doktorantura (dissertantlıq istisna olmaqla) səviyyəsində təhsilin dövlət büdcəsinin vəsaiti hesabına maliyyələşdirilməsi mexanizmi təsdiq edilib.

Bugünədək həmin maliyyələşdirmə mexanizmi ali təhsilin bakalavriat, magistratura, əsas (baza ali) tibb təhsili və rezidentura səviyyələrində dövlət sifarişi əsasında təhsil alanlara münasibətdə tətbiq edilirdi.

2020-ci ildən başlayaraq ali təhsil müəssisələrinin doktorantura səviyyəsinə dövlət sifarişi əsasında qəbul olunacaq doktorantların təhsil xərcləri də dövlət hesabına maliyyələşdiriləcək. Hər il dövlət sifarişi əsasında qəbul olunacaq doktorantların orta illik sayının 500-dən artıq olacağı proqnozlaşdırılır.

Doktoranturada təhsilin maliyyələşdirilməsi bütün elm sahələrini əhatə edəcək. Nazirlər Kabineti tərəfindən qəbul edilmiş Qərarla müxtəlif elm sahələri üzrə hər bir təhsilalana bütün təhsil müddəti ərzində dövlət tərəfindən çəkilən illik xərclərin miqdarı müəyyən edilib.

Bununla yanaşı, 2019-cu ildə Azərbaycan Respublikası Nazirlər Kabinetinin Qərarı ilə ali təhsilin bakalavriat (əsas (baza ali) tibb təhsili) səviyyəsi üzrə ixtisasların (proqramların) yeni təsnifatı təsdiq edilib, 2009-cu ildən etibarən qüvvədə olan təsnifat ləğv edilib.

Yeni təsnifata daxil olan ixtisaslar üzrə mütəxəssis hazırlığı 2020-2021-ci tədris ilindən etibarən başlayacaq. Eyni zamanda ləğv edilmiş təsnifatda yer alan bəzi ixtisaslar üzrə bakalavriat və əsas (baza ali) tibb təhsili səviyyəsində həmin ixtisaslar üzrə normativ təhsil müddəti başa çatanadək davam etdiriləcək.

Hər iki təsnifatdan olan ixtisaslar üzrə təhsilalanların təhsilinin dövlət sifarişi əsasında maliyyələşdirilməsinin müvafiq müddətdə davam etdirilməsi və 2020-2021-ci tədris ilindən etibarən başlayacaq mütəxəssis hazırlığının dövlət sifarişi əsasında maliyyələşdirilməsinin təmin edilməsi üçün hüquqi əsasların yaradılması məqsədilə qərarda ixtisasların adları sözügedən təsnifatlarda olduğu kimi verilib.

Bu Qərarla ali təhsil pilləsində məhz dövlət sifarişi ilə təhsil alan şəxslərin təhsilinə görə dövlət tərəfindən ali təhsil müəssisələrinə ödənilən xərclərin miqdarı tənzimlənir. (trend.az)

OXŞAR XƏBƏRLƏR

Azərbaycanda əməkhaqqı artıb - RƏSMİ

  Bu il iyulun 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 81,4 min nəfər və ya 5% artaraq 1 m...

Prezident SƏRƏNCAM İMZALADI

  Prezident İlham Əliyev əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə təd...

Avqustun 24-25-də... AÇIQLAMA

  Ötən həftədən başlayaraq çimərliklərlə bağlı qadağalar ləğv olunduqdan sonra çimərliklərə güclü axın var. Böyük əksəriyyət bu tövsiyələrə əməl etmədən ...

Rayonlara gediş-gəliş gələn həftədən bərpa edilir? - TƏBİB-dən AÇIQLAMA

  Xəbər verdiyimiz kimi, avqustun 11-də Nazirlər Kabineti "Koronavirus (COVID-19) pandemiyası dövründə ictimai iaşə müəssisələrinə müştəri qəbulu ilə bağl...

Azərbaycanda bu tarixdən koronavirusa yoluxanların sayı artmağa başlayacaq – Həkim açıqladı

  Ötən həftədən başlayaraq çimərliklərlə bağlı qadağalar ləğv olunduqdan sonra çimərliklərə güclü axın var. Bu vəziyyət gözlənilən olduğu üçün əvvəlcədən ...

Korona ya payızda bitəcək, ya da... - Professor

 Son günlər sosial şəbəkələrdə yoluxma sayının sağalanların sayından 2 dəfə az olmasına baxmayaraq, karantin rejiminin ləğv edilməməsindən şikayət edirlər....