No Image
No Image

"Bu bəyanatın məqsədi hər kəs üçün utancvericidir" - Aslan İsmayılov

"R.Mehdiyevi tanıyanlar çox yaxşı bilirlər ki, sadə fikir ayrılığına bər-bəzəkli siyasi çalar vermək, cəmiyyəti parçalamaq, insanları üz-üzə qoymaq, korrupsiyanı ölkənin idarəetmə sisteminə çevirmək daim onun iş metodu olub".
 
Sfera.az xəbər verir ki, bu sözləri hüquqşünas Aslan İsmayılov deyib.
 
Aslan İsmayılov qeyd edib ki, elə indi 27 aprel tarixdə AMEA Rəyasət Heyətinin (əslində Ramiz Mehdiyevin) bəyanatını oxuyub:
 
"Bu bəyanatla bağlı əgər hər hansı yazı olubsa oxumadığıma görə çox təəssüflənirəm. Əgər ümumiyyətlə yazı olmayıbsa bu da çox pisdir. 

R.Mehdiyevin bütün yazıları kimi bu yazını da çox diqqətlə oxudum və başa düşdüm ki, bu bəyanatın məqsədi ”…Vətənin taleyini düşünməmək, onun çətin məqamında vəzifə və sərvət davası etmək kimliyindən asılı olmayaraq hər kəs üçün utancvericidir" cümləsindəki fikirləri söyləmək üçündür. Bu cümlədən başqa yazılanların hamısı ancaq R.Mehdiyev və onun iş metodunu tanımayanlar üçündür. R.Mehdiyevi tanıyanlar çox yaxşı bilirlər ki, sadə fikir ayrılığına bər-bəzəkli siyasi çalar vermək, cəmiyyəti parçalamaq, insanları üz-üzə qoymaq, korrupsiyanı ölkənin idarəetmə sisteminə çevirmək daim onun iş metodu olub. ABŞ və Avropanın Qarabağ məsələsindəki yanlış mövqeyini əlində bayraq edib onları tənqid etməsi də oxucuları çaşdırmamalıdır. Məhz R.Mehdiyev bütün fəaliyyəti dövrü Azərbaycanın ABŞ və Avropa ilə münasibətlərinin korlanmasına çalışıb. Bu da onun Azərbaycanın maraqlarından çıxış etməsindən yox, Rusiyaya sevdasından irəli gəlir. 17 il Prezident Administrasiyasının rəhbəri vəzifəsində olub, ölkəni faktiki idarə edən, vətəndaşlara zülm etdirən bir şəxsin bu gün vətəndaş cəfakeşi olması da mümkünsüzdür. 

Hüquqşünas bildiribki, bəyanatda qeyd edildiyi kimi AMEA-nın islahat və yenilənmə tərəfdarı olması fikri də qeyri-səmimidir. Bütün fəaliyyəti gənclərin yolunu kəsmək, elm ocağını korrupsiya bataqlığına çevirmiş qocalar evinin birdən-birə "islahatçı" olması da yalandır. 

"İndi isə yenidən ”…Vətənin taleyini düşünməmək, onun çətin məqamında vəzifə və sərvət davası etmək kimliyindən asılı olmayaraq hər kəs üçün utancvericidir" cümləsinə qayıdıram. Bəli, əminəm ki, o böyük yazı bu cümləni kimlərəsə çatdırmaq, "hələ də biz varıq" demək üçündür. Hamı bilir ki, bu gün vəzifə davası R.Mehdiyevin komandası ilə "islahatçı" adlandırılan komanda arasında gedir. R.Mehdiyev təyin etdirdiyi icra başçılarının dalbadal həbs olunmasından, vəzifələrindən azad olunmalarından çox narahatdır. Vəzifə davası deyiləndə yəqin ki, bu nəzərdə tutulur. Bundan başqa, o da bəllidir ki, istintaq orqanları həbs olunmuş icra başçılarından oğurladıqlarını qaytarmağı tələb edir. O da bəllidir ki, talançı, rüşvətxor icra başçıları hər ay hara haqq vediklərini geci-tezi danışacaqlar. Hesab edirəm ki, Akademiyanın rəsmi səhifəsini şəxsi bloqa çevirmiş R.Mehdiyevin hər yazısının arxasında ciddi narahatlıq, təhdid mesajları dayanır.

P.S. Məni kimlərəsə qarşı qərəzli olmaqda ittiham edənlərdən xahiş edirəm ki, heç olmasa son 15 ildə Ramiz Mehdiyev və Əli Həsənov haqqında yazdıqlarımla tanış olsunlar".
Sehliyali

Turan Bank

OXŞAR XƏBƏRLƏR

“Haber Global” Prezident İlham Əliyevin sözlərini xatırlatdı - VİDEO

44 günlük Vətən müharibəsinin gedişində Prezident İlham Əliyevin bir sıra ifadələri aforizmə çevrilərək xalq arasında geniş yayıldı. "Haber Global” bildir...

Bayden Putinlə niyə məhz Bakıda görüşəcək? – Tofiq Zülfüqarov detalları açıqladı

"Baydenin Putinlə Bakıda görüşəcəyini dəqiq deyə bilmətəm, amma bu variantı istisna da etmirəm”. Bu sözləri Sfera.az-a açıqlamasında ABŞ-ın məşhur "Pol...

Mikayıl Cabbarov azad edilən ərazilərin bərpasına ayrılan vəsaitdən danışdı

Bu il Azərbaycan hökuməti erməni işğalından azad edilmiş ərazilərin bərpasına 1,5 milyard dollar vəsait qoyacaq. Sfera.az xəbər verir ki, bunu iqtisadiyya...

Lavrov Bakıya “Hadrut planı” ilə gəlir? – “Erməniləri Hadruta qaytarmaq, sonra isə...”

"Sergey Lavrovun İrəvana getdiyi gün "Hadrut erməniləri”nin Ermənistan Xarici İşlər Nazirliyinin önündə aksiya keçirməsi təsadüfi deyil. Ermənilər sülhməramlı...

Azərbaycan üç erməni diversantını niyə azad etdi? – “Bu xəbərdarlıq jestidir, əgər..."

"Bakının məlum davranışını məcburiyyət qarşısında qabaqlayıcı addım kimi dəyərləndirməliyik”. Bu sözləri Sfera.az-a açıqlamasında Azərbaycanın müharibə...

Gənclər və idman naziri kim olacaq? – Adlar, ehtimallar...

Gənclər və İdman naziri Azad Rəhimovun dünyasını dəyişməsindən sonra bu posta kimin daha şanslı olması haqda müzakirələr intensivləşib.   Sfera.az...