\"Bu Azərbaycanda teatr sənətinin məhvi olacaq\" - Sənubər İsgəndərlidən etiraz
12:11 / 06.05.2021
4022
"TƏBİB-də kimin teatrla maraqlanıb maraqlanmadığını, sevib sevmədiyini bilmirəm. Soruşanda deyəcəklər ki "Vaxt var?”. Bizdə onsuz da bir çoxlarının mədəniyyətə vaxtı və marağı yoxdur”.
Sfera.az bildirir ki, bunu əməkdar artist Sənubər İsgəndərli deyib.
Aktrisa qeyd edib ki, bu sənətə ömrünü verən, onu yaşadan sənətkarlar və onun yolunu gözləyən, sevən tamaşaçılar var:
"Bir ildir teatrlar bağlıdır. Belə davam edərsə, bu teatr sənətinin məhvi olacaq. Demirəm teatrlar açılan kimi tamaşa oynanılsın, tamaşaçı gəlsin, onsuz da bu mümkün deyil. Amma yeni tamaşaların məşqinə başlaya bilərdik ki, sabah teatrın pərdələri açılanda tamaşaçılarımızın qarşısına çıxa bilək. Ümid edirəm ki, TƏBİB bunları nəzərə alacaq”.
S.İsgəndərli həmçinin bildirib ki, bununla bağlı TƏBİB-dən də cavab gəlib:
"Qurumun mətbuat xidmətindən mənlə əlaqə saxlayıb bildirdilər ki, biz sırf tibbi məsələlərlə məşğuluq. Qapanma və digər tədbirlər Operativ Qərargahın səlahiyyətindədir. Nə deyirəm?! Ümid edək ki, qərargah səsimizi eşidib, teatrların açılması üçün qərar verər”.
Türkan
Sfera.az