Sfera.az xəbər verir ki, bunu Milli Məclisin deputatı Razi Nurullayev deyib. O bildirib ki, bu müddət ərzində insanlarımız çox kasıblaşıb, ümidsizləşib:

"Dövlətin bəzi kateqoriya vətəndaşlara verdiyi sosial yardım onları sadəcə ayaqda saxlayır. Çoxlu iş yerləri bağlanıb, turizm sahəsində çalışanlar ümidsizlikdən bezib. Axı niyə turizmi aça bilmərik? Əslində bizim kimi turist cəlb etməkdə çətinlik çəkən ölkələr bu fürsətdən istifadə etməli idi. 

 

Əgər vətəndaşlarımızın ləyaqətli həyatını təmin edə bilsək, heç kim qapanmadan narazı qalmaz, evində oturub seriala baxar. Amma arxasında bir qəpiyi olmayan vətəndaşı heç nüvə silahı da qorxutmaz, nəinki bir mikroskopik korona. Biz Amerika, Almaniya, Fransa və ya Britaniya deyilik ki, bir neçə aya özümüzə gələk. İqtisadiyyatımıza və iş yerlərinə dəyən ziyanı illərlə bərpa edə bilməyəcəyik”.

 

Günay